Новости за 12.02.2020

Уфа янындагы Нижегородка авылы кешеләре авылдагы шифаханәне Кытайдан кайтканнар өчен карантин урыны ясауга каршы чыктылар. Бу турыда алар республика башлыгы Радий Хәбиров исеменә петиция булдырган.

(Казан, 12 февраль, «Татар-информ»). Башкортстан Республикасының Милли әдәби музее Башкорт теле елында «Бикбайны укыйбыз» дигән видеороликларга интернет-бәйге уздыра. Бәйге Башкортстанның халык шагыйре, Башкортстанның атказанган фән эшлеклесе, Башкорстан Фәннәр академиясе әгъза-мөхбире Равил Бикбаев иҗатына багышлана. Бу хакта «Башинформ» агентлыгы хәбәр итә.

(Казан, 12 февраль, «Татар-информ», Рузилә Мөхәммәтова). Муса Җәлил исемендәге Татар дәүләт опера һәм балет театры репертуарындагы спектакльләрнең нибары 11 проценты гына татар спектакле. Татарстан мәдәният министрлыгы моның өчен театрны шелтәләргә мөмкинлеген искәртә. Бу хакта Татарстан мәдәният министрлыгының ел йомгакларына багышланган коллегия утырышына әзерләгән отчетында әйтелә.

(Казан, 12 февраль, «Татар-информ», Ксения Перепеченова). 14-15 майда Татарстанда Башкортстан Республикасы көннәре узачак. Бу хакта «Татар-информ»га Татарстанның Башкортстандагы даими вәкиле Ранэль Зиннәтуллин сөйләде.

(Казан, 12 февраль, «Татар-информ»). Татарстан Республикасы Президенты Рөстәм Миңнеханов бүген «Казан Экспо» күргәзмә комплексында булачак. Анда «ТатАгроЭкспо агросәнәгать» күргәзмәсе ачыла. Күргәзмә кысаларында Татарстан Республикасы Авыл хуҗалыгы һәм азык-төлек министрлыгының еллык коллегиясен уздыру планлаштырыла. Бу хакта «Татар-информ»га республика җитәкчесе матбугат хезмәтендә хәбәр иттеләр.

(Казан, 12 февраль, «Татар-информ», Полина Шевчук). Төнлә Казанда җиңел машина баганага бәрелә, ике яшь кеше һәлак була. Бу хакта «Татар-информ»га шәһәр автоинспекциясендә сөйләделәр.

(Казан, 12 февраль, «Татар-информ»). Әлмәт татар дәүләт драма театры милли-музыкаль әсәрләр иҗат итү буенча Режиссура-драматургия лабораториясенә гаризалар кабул ителүе турында игълан бирде. Театр җитәкчелеге хәбәр итүенчә, проект Башкортстанның заманча драматургия һәм режиссура үзәге белән берлектә уза.

(Казан, 12 февраль, «Татар-информ», «Ватаным Татарстан», Гөлгенә Шиһапова). Күпләрне борчыган сорау бу. Су агызсаң да, җылысын күбрәк тотсаң да, ай ахырында бер дә акча чыгарып бирәсе килми. Һәркем экономияләү яклы. Бу хакта кичә Дәүләт Советының Торак сәясәте һәм инфраструктура үсеше комитеты утырышында сөйләштеләр.

(Казан, 12 февраль, «Татар-информ»). Узган атнада Түбән Кама перинаталь үзәгендә 61 бала туган. Сигез хатын-кыз бала табу өчен республиканың башка шәһәрләреннән килгән. Бу турыда Түбән Кама муниципаль районы рәсми сайтында хәбәр ителә.

(Казан, 12 февраль, «Татар-информ»). Татарстанда уртача салкын һава торышы саклана. Көньяктан талгын җил булачак. Әмма урыны белән аның тизлеге секундына 15 метрга кадәр көчәячәк, дип кисәтә метеорологлар. Бу хакта ТР Гидрометеорология үзәге хәбәр итә.

(Азнакай, 12 февраль, «Татар-информ», «Маяк», Резеда Шәрипова). Азнакай шәһәренең 14нче балалар бакчасы «Аҗаган» хәрби-патриотик уены штабына әверелде. Уенда 21 мәктәпкәчә яшьтәге оешмалардан икешәр бала катнашты. Бу турыда район басмасы хәбәр итә.

(Чирмешән, 12 февраль, «Татар-информ», «Безнең Чирмешән», Кадыйр Гомәров). Чирмешән районы Лашман авылында ремонттан соң мәдәният йорты ачылды. Ремонтка 10 миллион сумнан артык акча тотылган. Бу турыда район басмасы хәбәр итә.

(Ютазы, 12 февраль, «Татар-информ», «Ютазы таңы» Ильмира Галиева). Ютазы авыл җирлегендә узган гражданнар җыенында евроконтейнерлар куелачагын хәбәр иттеләр. Бу турыда район басмасы хәбәр итә.

(Чирмешән, 12 февраль, «Татар-информ», «Безнең Чирмешән», Кадыйр Гомәров). Чирмешән районында «Россия чаңгы юлы» ярышларында 300гә якын кеше катнашкан. Ярышларны 72 яшьлек Нигъмәт Мостафин да кызыксынып күзәтте. Ул да илле елдан соң чаңгыга басып карарга булган. Бу турыда район басмасы хәбәр итә.

(Казан, 12 февраль, «Татар-информ»). Ун ел эчендә Түбән Кама халкының шәһәрдә медицина эшеннән канәгать булуы 42 проценттан 75,2 процентка кадәр арткан. Бу хакта Түбән Кама муниципаль районы рәсми сайты Иҗтимагый совет белән берлектә узган киңәшмәдә хәбәр иттеләр дип яза.

"Чистай җәмәгате" эше нигезендә 19 ел төрмәгә хөкем ителгән Айрат Ситдыйков ул хөкем процессының ялганга нигезләнгән булуын фаш итеп хат язган.