Новости за 15.10.2020

(Казан, 15 октябрь, «Татар-информ»). Питрәч районы җирле «Ак калфак» оешмасына яңа җитәкче сайладылар. Җирле «Ак калфак» оешмасы җитәкчесе итеп бертавыштан Питрәчнең 2нче урта гомуми белем бирү мәктәбендә тәрбия эшләре буенча директор урынбасары, татар теле һәм әдәбияты укытучысы Лилия Гатиатуллина сайланды. Бу турыда Бөтендөнья татар конгрессы матбугат хезмәте хәбәр итә. Утырышта шулай ук эш планнары билгеләнде. Татар милләтенең йолаларын, гореф-гадәтләрен, милли киемнәрен тергезү, тарихын өйрәнү... Читать дальше...

(Казан, 15 октябрь, «Татар-информ»). 16 октябрьдә Түбән Камада Сүбәләк күлен чүп-чардан чистартачак «яшел» десантка кушылырга чакыралар. Бу турыда Түбән Кама муниципаль районы рәсми сайты нда хәбәр ителә. Рус география җәмгыяте водолазлары күл төбен кирәкмәгән әйберләрдән чистарткан арада, волонтерлар яр буена тәртип салачак. Үзең белән перчатка һәм чүп-чар өчен капчыклар алырга кирәк. Өмәгә 13.00 сәгатьтә «Зәңгәр Күл» лагере янында җыелалар.

(Казан, 15 октябрь, «Татар-информ», Гөлнар Гарифуллина). Киләсе елда республикада мәгариф һәм сәламәтлек саклау тармакларында чыгымнар артачак. Бу хакта Татарстан Дәүләт Советында алдагы өч елга бюджет параметрларын билгеләү буенча парламент тыңлауларында финанс министры Радик Гайзатуллин әйтте. Ул 2021 ел бюджетында акчаның саллы өлеше социаль юнәлешләргә сарыф ителәчәген белдерде.  Мәгарифкә чыгымнар 23,8 проценттан 25 процентка, сәламәтлек саклау тармагына 9 проценттан 9,5 процентка кадәр артыр дип көтелә. Читать дальше...

(Казан, 15 октябрь, «Татар-информ»). Бүген «Ярдәм» милли ислам хәйрия фондының Тернәкләндерү үзәгендә күрмәүчеләр һәм начар күрүчеләр өчен «Йөрәк белән күрәбез һәм ишетәбез» проекты буенча курслар тәмамланды. Бу хакта ТР Диния нәзарәтенең матбугат хезмәте хәбәр итә. «Йөрәк белән күрәбез һәм ишетәбез» проекты Гражданнар җәмгыятен үстерүгә юнәлтелгән Президент грантлары фондының «Гражданнарга социаль хезмәт, социаль ярдәм күрсәтү һәм яклау» юнәлеше буенча 2020 елда оештырылган икенче бәйгесендә җиңү яулаган иде. Читать дальше...

(Казан, 15 октябрь, «Татар-информ», Гөлнар Гарифуллина). Татарстанның эштә мәшгуль халкының өчтән бере кече һәм урта эшмәкәрлек субъектларында эшли. Бу 532 меңнән артык кеше. Үзмәшгульләрне дә кертеп, 621 мең кешене тәшкил итә. Бу хакта Дәүләт Советында алдагы өч елга бюджет параметрларын билгеләү буенча парламент тыңлауларында ТР Премьер-министры урынбасары — икътисад министры Мидхәт Шаһиәхмәтов хәбәр итте. «Икътисад дәрәҗәсе кече һәм урта эшмәкәрлек үсешеннән дә тора. Хәзерге вакытта республика... Читать дальше...

(Казан, 15 октябрь, «Татар-информ», Елена Саляхова). Ел башыннан бирле Татарстанда электросамокатлар катнашында 13 авария булган. Юу хакта Татарстанның Юл хәрәкәте иминлеге дәүләт инспекциясендә узган түгәрәк өстәлдә республиканың баш дәүләт автомобиль инспекторы Ленар Габдрахманов әйтте. «Мондый җайланмаларның тизлеге сәгатенә 80 чакрымга җитәргә мөмкин һәм бу җәяүлеләр, велосипедчылар өчен куркыныч тудыра. Быел электросамокатлар катнашында аварияләр өч тапкырга диярлек артты», — диде ЮХИДИ башлыгы. Читать дальше...

(Казан, 15 октябрь, «Татар-информ», Гөлнар Гарифуллина). Татарстанда уртача хезмәт хакы 2021 елда 5,2 процентка артыр дип көтелә. Бу хакта «2021 елга, 2022 һәм 2023 еллар план чорына Татарстан Республикасы бюджеты турында» республика законы проекты буенча парламент тыңлауларында ТР Премьер-министры урынбасары — икътисад министры Мидхәт Шаһиәхмәтов хәбәр итте. «Үсеш алган икътисад халыкның социаль тотрыклыгын тәэмин итә. Реаль хезмәт хакы быел 101,5 проценттан 103 процентка кадәр фаразлана. Уртача хезмәт хакы 2021 елда ... Читать дальше...

(Казан, 15 октябрь, «Татар-информ»). Казанда «Гаврош» балалар һәм яшүсмерләр приютын ябалар. Бу турыда указны Татарстан Премьер-министры Алексей Песошин имзалаган. «Татарстан Республикасы Хезмәт, халыкны эш белән тәэмин итү һәм социаль яклау министрлыгының 2021 елның 1 гыйнварыннан «Казан шәһәре» шәһәр округындагы балалар һәм яшүсмерләр өчен «Гаврош» социаль приюты» дәүләт казна учреждениесен ябу турында тәкъдимен кабул итәргә», — диелә документта. Татарстанның Хезмәт министрлыгы 14 көн эчендә ликвидация комиссиясе составын расларга... Читать дальше...

(Казан, 15 октябрь, «Татар-информ»). Җәмгыятькә Исламның хакыйкый кыйммәтләрен аңлатуны һәм куркыныч агымнарның һәлакәтле йогынтысыннан кисәтү традицияләрен дәвам итеп, ТР мөселманнары Диния нәзарәтенең «Хозур» нәшрият йорты, Дагыстан Республикасы мөфтияте белән берлектә, «Хакыйкатьне һәм ялганны аеру өчен гаделлек үлчәүләре» («Весы справедливости для различения истины и лжи») китабын чыгарды. Бу хакта нәзарәтнең матбугат хезмәте хәбәр итә. Хезмәт авторы — Әһлес Сөннә Вәл-Җәмагать галимнәренгең берсе... Читать дальше...

(Казан, 15 октябрь, «Татар-информ», Гөлнар Гарифуллина). Татарстанда ел азагына эшсезләр саны кимер дип көтелә. Бу хакта Татарстан Дәүләт Советында алдагы өч елга бюджет параметрларын билгеләү буенча парламент тыңлауларында ТР Премьер-министры урынбасары — икътисад министры Мидхәт Шаһиәхмәтов әйтте. «Безнең өчен төп бурыч — халыкның мәшгульлеген арттыру. Ел башыннан эшсезләр саны 68 меңгә артты, бүген 75 мең кеше тәшкил итә. Сентябрь башыннан эшсезлек 3650 кешегә азрак теркәлә башлаган. Эшсезләргә... Читать дальше...

(Казан, 15 октябрь, «Татар-информ»). Бүген Татарстан Премьер-министры Алексей Песошин «Татарстан Республикасы Инвестиция-венчур фонды» коммерцияле булмаган оешмасының Күзәтчелек советы утырышын уздырды, дип хәбәр итә ТР Президенты матбугат хезмәте. "Татарстан Республикасы территориясендә гамәлгә ашырыла торган инвестицион проектларны финанслау мәсьәләләре турында фикер алышынды», — диелә хәбәрдә. Моннан тыш, Татарстан Республикасы Инвестиция-венчур фондының Күзәтчелек советы әгъзалары «Татарстан... Читать дальше...

(Казан, 15 октябрь, «Татар-информ», Гөлнар Гарифуллина). Агросәнәгать комплексында төп бурычларның берсе — финанс күрсәткечләрен арттыру максатыннан тармакның нәтиҗәлелеген арттыру. Бу хакта Татарстан Дәүләт Советында алдагы өч елга бюджет параметрларын билгеләү буенча парламент тыңлауларында ТР Премьер-министры урынбасары — икътисад министры Мидхәт Шаһиәхмәтов сөйләде.  Ул финанс ягын ныгыту авыл хуҗалыгында хезмәт хакын арттыру чыганакларының берсе саналганын билгеләп узды. Хәзерге вакытта ул республика буенча уртача күрсәткечтән калыша. Читать дальше...

(Казан, 15 октябрь, «Татар-информ»). Россия Президенты Владимир Путин Россия Салым кодексына үзгәрешләр кертү турында законны имзалады. Документ Татарстанда, Ямал-Ненец автоном округының Ямал районында табылган үтә үзле нефтькә салым вычеты алырга мөмкинлек бирәчәк. Бу мәгълүмат Кремль сайтында басылып чыккан. Россия Салым кодексына үзгәрешләр кертү турындагы Закон РФ Дәүләт Думасы тарафыннан 2020 елның 30 сентябрендә кабул ителде һәм 2020 елның 7 октябрендә Федерация Советы тарафыннан хупланды.... Читать дальше...

(Казан, 15 октябрь, «Татар-информ», Гөлнар Гарифуллина). 2021-2023 елларда төбәкләргә финанс ярдәмен чикләү ниятләнә. 2021 елда алар 633,8 млрд сумга кыскарыр дип фаразлана. Бу хакта Дәүләт Советында «2021 елга, 2022 һәм 2023 еллар план чорына Татарстан Республикасы бюджеты турында» республика законы проекты буенча парламент тыңлауларында Бюджет, салымнар һәм финанс комитеты рәисе Леонид Якунин хәбәр итте.  «Төбәк бюджетларына аерым бер игътибар бирелә. Төбәк бюджетлары керемнәре кыскара. Региональ казналарга үзкерем... Читать дальше...

(Казан, 15 октябрь, «Татар-информ»). Радик Салихов 2020-2025 елларга Татарстан Фәннәр академиясенең Шиһабетдин Мәрҗани исемендәге Тарих институтының яңа директоры итеп билгеләнде. Бу хакта институтның матбугат хезмәтендә хәбәр иттеләр. «Тавышларны исәпләү нәтиҗәсендә, институт директоры итеп тарих фәннәре докторы, Татарстан Фәннәр академиясе академигы Радик Рим улы Салихов билгеләнде. Аның өчен 68 тавыш бирелгән», - диелә хәбәрдә. Тарих фәннәре докторы Радик Салихов институтта 1997 елдан бирле эшли. Читать дальше...

(Казан, 15 октябрь, «Татар-информ», Гөлнар Гарифуллина). Татарстан Дәүләт Советында алдагы өч елга бюджет параметрларын билгеләү буенча парламент тыңлаулары узды. ТР Премьер-министры урынбасары — икътисад министры Мидхәт Шаһиәхмәтов төп мәсьәләләрнең берсе бизнеска ярдәм итү булганын әйтте. «Дөнья икътисады өчен бу ел иң авырларының берсе булды. Россия тулай төбәк продукты, узган елның шушы чоры белән чагыштырганда, 3,6 процентка, Татарстанныкы 1,7 процентка кимеде», — дип белдерде икътисад министры. Читать дальше...

Одним из самых оперативных способов получения информации о неоплаченных штрафах за нарушение ПДД, зафиксорованных комплексами фото- и видеофиксации, является получение копий постановлений о привлечении к административной ответственности в личном кабинете Портала государственных и муниципальных услуг Республики Татарстан.

(Казан, 15 октябрь, «Татар-информ»). 17 ноябрьдән башлап «Бигеш» аэропортыннан Сочига рейслар ел әйләнәсе булачак. Очышлар атнасына өч тапкыр башкарылачак. Бу хакта һава аланының матбугат хезмәте хәбәр итә. Пассажирлар Embraer E-190 лайнерында сишәмбе, пәнҗешәмбе һәм шимбә көннәрендә оча алачак. «Самолетлар 110 кешене сыйдыра ала», — диделәр матбугат хезмәтендә. Covid-19 коронавирусын кисәтү өчен һава суднолары, аерым алганда урындыклар, өстәлләр һәм йөк киштәләре даими рәвештә дезинфекцияләнәчәк. Читать дальше...

(Казан, 15 октябрь, «Татар-информ»). Быел Татарстанда авылда яшәүче 1 928 хатын-кыз яңа туган балалар өчен бер тапкыр түләнә торган акча алган. Бу хакта республиканың Авыл хуҗалыгы һәм азык-төлек министрлыгы хәбәр итә. Болар Татарстан авылларында яшәүче, беренче бала тапкан 1 584 хатын-кыз, шулай ук гаиләләрендә өченче яки аннан соңгы балалары туган 344 хатын-кыз. «Авылда яшәүче, 25 яшькә кадәрге әниләр беренче балалары тугач дәүләттән өстәмә 50 мең акча ала. 29 яшькә кадәрге әниләр өченче һәм аннан соң туган һәр балага 100 мең сум ала. Читать дальше...

(Казан, 15 октябрь, «Татар-информ»). Мәктәпләрдә дәреслекләргә һәм эш дәфтәрләренә түләү буенча шикаятьләр өчен Татарстан Прокуратурасында кайнар элемтә эшли башлады. Бу хакта республика прокурорының өлкән ярдәмчесе Руслан Галиев хәбәр итте. Кайнар элемтә 22 октябрьгә кадәр тәүлек буе эшләячәк. Укучыларның әти-әниләре сорауларын тәүлек әйләнәсе бирә алачак. Дәреслекләргә түләү буенча түбәндәге телефон номерларына шалтыратып шикаять белдерергә була: •      (843) 291-19-25 (гражданнар мөрәҗәгатен кабул... Читать дальше...

(Казан, 15 октябрь, «Татар-информ»). Тукай районы хакимияте Иске Дөреш авылында кәрәзле элемтә каланчасын төзүне кичектереп торды. Аны төзүгә җирле халык каршы чыккан. Бу хакта «Чаллы-ТВ» телеканалы хәбәр итә. «Очрашу барышында (җирле халык белән — Т-и искәрмәсе) кәрәзле элемтә каланчасын төзүне аны урнаштыру урыны белән бәйле мәсьәләне җайга салганчы кичектереп тору карары кабул ителде», — диделәр район администрациясе матбугат хезмәтендә. Кәрәзле элемтә каланчасын төзү, авыл халкының һәм якын-тирә... Читать дальше...

Бүген Вахитов районы мәхкәмәсе Казан башкарма комитетының Хәтер көне митингын уздыруны килештермәү карарын гамәлдән чыгарды. Хәтер көне 18 октябрьдә үтәчәк.

(Казан, 15 октябрь, «Татар-информ»). Бүген ТР Диния нәзарәте Россия ислам институты һәм Чистай районы мөхтәсибәте белән берлектә Х Саматов укуларын уздырды. Быел әлеге чара Чистай шәһәрендәге «Нур» мәчетендә узды. Бу хакта нәзарәтнең матбугат хезмәте хәбәр итә. Конференция татар халкының күренекле дини тәгълиматчысы, Татарстанның беренче казые, ХХ гасыр азагы -ХХI гасыр башының күренекле дин әһеле, галим Габделхак хәзрәт Саматовка багышланган иде. Укулар Габделхак хәзрәтне искә алып, аның мирасын һәм күпкырлы эшчәнлеген барлау... Читать дальше...

(Казан, 15 октябрь, «Татар-информ»). Татарстанда тагын ике кеше коронавирустан вафат булды. Бу хакта республиканың Сәламәтлек саклау министрлыгы хәбәр итә. Чаллыда яшәүче 77 яшьлек ир-атны пневмония диагнозы белән хастаханәгә яткыралар. Үлем сәбәбе патологоанатомия экспертизасы ярдәмендә ачыклана. Вирус идентификацияләнә. Казанда яшәүче 67 яшьлек хатын-кызны пневмония диагнозы белән хастаханәгә салалар. Пациентның хроник авырулары була. Коронавирус лаборатор тикшеренүләр нәтиҗәсендә раслана. 15 октябрьгә... Читать дальше...

(Казан, 15 октябрь, «Татар-информ», Эвелина Киселёва). Татарстанның Баулы районы Исергәп авылы мәктәбен укучыларның берсендә күгәрек гөмбәләренә аллергия килеп чыкканнан соң, Татарстан буенча Кулланучы хокукларын яклау һәм кеше иминлеге өлкәсендә күзәтчелек федераль хезмәте белем бирү оешмасын тикшерә башлады. Бу хакта «Татар-информ»га Роспотребнадзор идарәсендә хәбәр иттеләр. «Татарстан буенча Роспотребнадзор идарәсенең Бөгелмә территориаль бүлеге белгечләре фактларны тикшерәчәк. Иртәгә анда башкарма комитет һәм редакция вәкилләре барачак. Читать дальше...