Новости за 02.06.2021

(Казан, 2 июнь, «Татар-информ», «Ватаным Татарстан» , Сәрия Мифтахова). Беткән авылда алты ел утсыз яши алыр идегезме? Узган гасырда түгел, бүгенге заманда. Кукмара районының Тәмле Чишмә авылында Гайфетдиновлар йортын  8–9 ел элек керосин лампасы яктырткан әле. Авылда алты йорт булса да, нибары бер генә гаилә яши. Җәйгә яшәргә дип кайткан Роза апа шәһәргә киткәч, Нурулла абый тагын ялгызы калачак.  «Тәмле чишмә» кем өчен ага? Нигә беренче чиратта шундый матур исемле авыллар бетә икән ул? Без Әгерҗедәге Чәчкә... Читать дальше...

(Казан, 1 июнь, «Татар-информ»). Нәзарәттә Татарстан мөфтие Камил хәзрәт Сәмигуллин җитәкчелегендә «Казан басмасы» заманча компьютер шрифты нигезендә беренче Коръән басмасын әзерләү турында киңәшмә узды. «Казан басмасы» компьютер шрифты шул ук исемдәге аутентик типографик эзеннән (оттискысыннан) ясалды һәм цифрлаштырылган рәвештә Коръәнне бастыруда тарихта тәүге тапкыр кулланылачак. Бу хакта ТР Диния нәзарәте матбугат хезмәте хәбәр итә. Утырышта чит илдән җәлеп ителгән белгечләрнең «Казан басмасы»... Читать дальше...

(Азнакай, 2 июнь, «Татар-информ», «Маяк» , Таңсылу Саниева). Азнакайның Югары Стәрле авылында «Авыл территорияләрен комплекслы үстерү» федераль программасы нигезендә парк ачылды. «Бүген сездә сөенечле вакыйга — бик матур, заманча парк ачыла. Шәһәребездә соңгы елларда парклар күп төзелде, инде менә авылларыбызда да ял урыннары булдырыла башлады. Авыл балаларына ял итәр, уйнар, спорт белән шөгыльләнер өчен мондый парклар бик кирәк. Яшьләр дә авылда калып, аны яшәтсеннәр иде», — диде район башлыгы Марсель Шәйдуллин . Читать дальше...

(Казан, 2 июнь, «Татар-информ»). Бүген «Велики» паркында хәйрия акциясе үтте. Аз тәэмин ителгән гаиләләрдәге балаларга велосипедлар тапшыру тантанасы оештырылды. Бу турыда Түбән Кама муниципаль районы рәсми сайты нда хәбәр ителә. Түбән Камада беренче тапкыр уза торган «Велоигелек» акциясе кысаларында түбәнкамалылар үзләре кулланмый торган велосипедларын күпбалалы гаиләләр өчен тапшырган. Аларны ремонтлауда һәм яхшы хәлгә китерүдә шәһәр Советы депутаты Илнар Сираев һәм 4нче төзәтү колониясе ярдәм иткән. Читать дальше...

(Казан, 2 июнь, «Татар-информ»). Ульяновскиның «Винновская роща» ял паркында узачак Сабантуй бәйрәмнәренә старт бирелде. Милләтебез горурлыгына әйләнгән тантанага халык ашкынып килде һәм гореф-гадәтләребезне барлап милли уеннарда катнашты, татарча көрәштә бил алышты, җырладылар, биеделәр, рәхәтләнеп ял иттеләр. Милли киемле егет-кызлар шәрәфле кунакларны капка алдында чәкчәк белән каршы алып, туйганчы биеттеләр һәм үзәк сәхнәгә чаклы озатып куйдылар. Ә төрле дәрәҗәдәге җитәкчеләр күпләп килгән иде. Читать дальше...

(Казан, 2 июнь, «Татар-информ»). Башкортстанның Аскын районы Үрмияз авылы китапханәсендә район китапханәчеләренең семинары үтте. Кунаклар һәм катнашучылар игътибарына «Яулык бәйрәме» тәкъдим ителде. Бу турыда Аскын районының «Ышаныч» басмасы хәбәр итә. Маргарита Әүхәдиева әзерләп үткәргән бу чара һәркемнең күңеленә хуш килде. Шулай ук бәйрәмне оештыруда ярдәмләшкән балалар бакчасы хезмәткәрләрен, мәктәп укытучыларын да билгеләп үтәргә кирәк. Җыр, бию, матур шигырьләр чараны тулыландырды. Яулык тарихы да һәркем өчен файдалы һәм кызыклы булды. Читать дальше...

(Чирмешән, 2 июнь, «Татар-информ», «Безнең Чирмешән» , Регина Газизова). Чирмешән районын 20 елдан күбрәк җитәкләгән Минсәгыйть Закир улы Шакиров тормыш юлы турында «Безнең заман» («Наше время») китабын чыгарды. Ул хезмәт юлын Нурлат шәһәренең «Дуслык» район газетасы хезмәткәре булып башлаган. Соңрак ул Казан авыл хуҗалыгы институты студенты, ә 23 яшендә «ПМК-Мелиорация» оешмасы җитәкчесе. Минсәгыйть Шакиров Саратов югары партия мәктәбендә укыган, күрше Яңа Чишмә районы партия райкомының икенче секретаре булып эшләгән. Читать дальше...

Йөз ел элек булган ачлык турында The Great Famine исемле фильмны төшерүдә катнашкан "Р.И.Продакшн" киностудиясе җитәкчесе Рияз Исхаков белән аны төшерү тарихы, милли кинематография язмышы, видеоклиплар төшерү, зыялыларның җәмгыять тормышында ничек катнашуы турында да сөйләштек.