Новости за 22.01.2025

Бүген Актанышта муниципаль район Советы депутатлары чираттагы утырышта район башкарма комитеты җитәкчесе вазифасын вакытлыча башкаручы итеп Илфак Бариевны билгеләде. Бу хакта «Актаныш» сайтында Ләйсән Газизова хәбәр итә.

Татарстанда махсус операция катнашучылары һәм ветераннары, шулай ук аларның гаилә әгъзалары профилактика медицина ярдәме алганда өстенлеккә ия. Бу хакта республиканың Сәламәтлек саклау министрлыгы коллегиясендә «Сугыш ветераннары госпитале» баш табибы Илдар Фәхретдинов сөйләде.

Россиягә уртача дәрәҗәдәге инфляциягә чыгарга кирәк. Бу хакта икътисад мәсьәләләренә багышланган киңәшмәдә Россия Президенты Владимир Путин әйтте.

Салкыннар аркасында Татарстан мәктәпләрендә дәресләр үткәрелмәскә мөмкин. Синоптиклар алдагы көннәрдә һава температурасының 28 градуска кадәр төшүен фаразлый, дип хәбәр итә Татарстан Мәгариф һәм фән министрлыгының матбугат хезмәте.

Россиянең Хезмәт һәм социаль яклау министрлыгы Россия Президенты Владимир Путин йөкләмәсе буенча, яшь ярымга кадәр бала карау буенча отпускларның бөтен чорларын да иминият стажында исәпкә ала торган закон проекты әзерли. Бу хакта министрлык җитәкчесе Антон Котяков сөйләде, дип хәбәр итә ведомствоның матбугат хезмәте.

Россия Президентының Халыкара мәдәният хезмәттәшлеге буенча махсус вәкиле Михаил Швыдкой Татарстан Рәисе Рөстәм Миңнехановны Г. Камал исемендәге татар театрының яңа бинасы ачылу белән котлады.

Иминият һәм хәрби пенсияләр, социаль түләүләр һәм пособиеләр 9,5 процентка индексацияләнәчәк. Бу хакта икътисади мәсьәләләр буенча киңәшмәдә Россия Президенты Владимир Путин әйтте.

Алдагы тәүлектә Татарстанда һава температурасының 28 градуска кадәр төшүе, буран, күз күременең 2 километрга кадәр начарлануы һәм секундына 18 метр тизлектә көчле җил көтелә.

Мобилизацияләнгән хәрбиләрнең хатыннарына дәүләт оешмаларына һәм хәрби частьләргә эшкә урнашканда, шулай ук штатны кыскартканда вазифаларын саклап калуга өстенлекле хокук бирү тәкъдим ителә торган закон проекты Дәүләт Думасына кертелә. Үзгәрешләр «Хәрби хезмәткәрләр статусы турында»гы законда барлыкка киләчәк.

Татарстанның атказанган архитекторы, «Артпроект» архитектура бюросы директоры Александр Дембич 74 яшендә вафат булган. Аның үлемен «Шәһәрләр мирасы» телеграм-каналында Татарстан Рәисе ярдәмчесе Олеся Балтусова хәбәр итте.

Татарстан арбитраж суды, товар билгесе буенча хокуклар бозылу аркасында, Шүрәле сыннарын юк итәргә карар иткән. Бөтендөнья татар яшьләре форумы рәисе Райнур Хәсәнов әлеге хәлгә карата фикерен белдерде.

Алдагы перспективада республика алдында торган төп бурыч – демография мәсьәләләрен хәл итү. Бу хакта республиканың Сәламәтлек саклау министрлыгы коллегиясендә Татарстан Рәисе Рөстәм Миңнеханов әйтте.

Татарстан Урман хуҗалыгы министрлыгының йомгаклау коллегиясендә урман хуҗалыгы министры Равил Кузюров кадрлар мәсьәләсен күтәрде. Бүген республиканың урман тармагында 2,5 меңнән артык кеше хезмәт куя, аларның күбесе – ир-ат. Эшчеләрнең уртача яше – 43 яшь.

Россия Мәгариф министрлыгына федераль исемлеккә кертү өчен узган елның августында Татарстан татар теле һәм әдәбияты буенча 26 яңа буын дәреслеген җибәргән. Бу хакта Татарстанның мәгариф һәм фән министры Илсур Һадиуллин Казандагы һөнәри әзерлек үзәгендә матбугат очрашуында хәбәр итте.

Казанның «Гаилә» мәчетендә «Бер сәгать эчендә намаз» проекты башлана.

Мәчетнең имам-хатыйбы Рөстәм хәзрәт Хәйруллин җибәргән мәгълүматтан күренгәнчә, дәресләр һәр пәнҗешәмбе 19.00 сәгатьтә Җәүдәт Фәйзи,2 адресы буенча мәчеттә узачак.

Курс Рамазан ае башланганчы үткәрелә.

Дәресләргә язылу өчен телефоннар: ир-атлар өчен – 8-917-261-93-19, хатын-кызлар өчен – 8-917-882-63-57.

С сентября 2024 года в приложение «Народный инспектор» по категориям с вознаграждением поступило 6505 заявок о нарушениях ПДД.

27 гыйнварга каршы кичтә бөтен ислам дөньясы мөселман календарендагы мөһим датаны – Исра вә Мигъраҗ кичәсен билгеләп үтәчәк. Якшәмбе, 26 гыйнвар көнне, 15.00 сәгатьтә Казанда Апанай мәчетендә Мигъраҗ кичәсенә багышланган чара була. Бу турыда Татарстан Диния нәзарәте хәбәр итте.

Бүген ТР Урман хуҗалыгы министрлыгы коллегиясенең Казанда узган йомгаклау утырышында Татарстан Дәүләт Советы Рәисе Фәрит Мөхәммәтшин урманчылар династияләрен кулда гына йөрткән чакларны искә алды. Бу турыда «Татар-информ» яза.

Татарстанда кеше гомеренең көтелгән озынлыгы арткан. Бу хакта республика Сәламәтлек саклау министрлыгының йомгаклау комиссиясендә сәламәтлек саклау министры Марсель Миңнуллин сөйләде.

Татарстан Язучылар берлеге остаханәләренең берләштерелгән утырышында әдәби премияләргә кандидатлар каралды. Язучылар Гаяз Исхакый, Һади Такташ, Фатих Хөсни, Абдулла Алиш һәм Җамал Вәлиди исемендәге әдәби премиягә лаеклы кандидатларны барладылар.

Аның мәйданы 18 дүрткел метр. Мәчет "Батыр" батальонының даими урнашкан җиренә төзелгән, аны "Нургали" дип атаганнар.

Ожидаемая продолжительность жизни является важнейшим базовым показателем благополучия граждан и страны.

Татарстан Язучылар берлегенең берләштерелгән остаханәләре утырышы Тукай премиясенә кандидатларны күрсәтте. Тәкъдим ителгән 7 кандидатура Берлекнең идарә утырышында каралачак.

Пенсионерлар үз торакларын төзекләндергәндә билгеле бер ярдәм чараларына дәгъва итә ала. Бу хакта төзелеш эксперты – «ГЛАВСНАБ» компаниясенә нигез салучы һәм директоры Федор Васильев сөйләде дип хәбәр итә RT.

Казанда махсус операция хәрбиләренә ярдәм күрсәтү буенча Координация советы оештырылды. Аның составына гуманитар берләшмә тәкъдим иткән волонтерлар керде. Катнашучылар оештыру җыелышында беренче чираттагы бурычлар, шул исәптән намуслы җитештерүчеләр реестрын булдыру, махсус хәрби операция ихтыяҗларына эшләнмәләр әзерләү өчен транспорт һәм бүлмәләр куллану мәсьәләләрен координацияләү хакында фикер алышты.