Новости за 28.03.2025

Азнакай умартачылары шәһәрнең Мәдәни үзәгендә сезон башлану уңаеннан семинар-киңәшмә уздырды. Бу хакта «Маяк» газетасы яза.

Казан мэриясе ТР Фәннәр академиясенең Ш.Мәрҗани исемендәге Тарих институтының яңа тарих кафедрасы мөдире, тарих фәннәре кандидаты Айдар Илсур улы Ногманов вафат булуына бәйле туганнарының һәм якыннарының кайгысын уртаклаша.

Татарстанда махсус операциядә катнашучыларга багышланган мемориаллар өчен типлаштырылган проектларга бәйге уздырачаклар. Бу хакта республиканың мәдәният министры урынбасары Дамир Натфуллин әйтте.

Бүген, 28 мартта, Росгвардиянең Татарстан Республикасы буенча идарәсе башлыгы полиция генерал-лейтенанты Рөстәм Гомәров Татарстан мөселманнары Диния нәзарәтендә булып китте. Аны Татарстан Мөфтие Камил хәзрәт Сәмигуллин каршы алды. Бу хакта ТР Диния нәзарәте матбугат хезмәте хәбәр итә.

«Сәйдәш» мәдәният үзәгендә «Апуш» татар балалар театр студиясе, Бөек Җиңүнең 80 еллыгына багышлап, «Көндәлек» дип аталган биографик драма тәкъдим итте.

Спорт арбитраж судында (CAS) Камилә Вәлиеваның допинг-эштән соң дисквалификациясе буенча Швейцариянең Югары судына яңа апелляция бирүе турындагы мәгълүматны расладылар.

11 апрельгә кадәр Татарстанның 17 районында «Укыйм. Яшим. Яратам» – яшьләр китабы атналыгы уза. Программада китап своплары, иҗади остаханәләр, интеллектуаль һәм өстәл уеннар, экскурсияләр бар. Чараларны «Беренчеләр хәрәкәте»ндә катнашучы үсмерләр китапханәләр хезмәткәрләре белән берлектә уйлап чыгарган һәм оештыра, дип хәбәр иттеләр «Татар-информ»га оешманың төбәк бүлекчәсе матбугат хезмәтендә.

30 ел – тарих өчен күп түгел. Ә Татарстанда шушы еллар эчендә Дәүләт Советы Россиядәге иң уңышлы төбәкләрнең берсен үстерүнең ныклы хокукый нигезен булдырды. Бу хакта Россия Президентының Идел буе федераль округындагы вәкаләтле вәкиле Игорь Комаров республика парламентын юбилее белән котлап әйтте.

Казан кооператив институтының Дәрдемәнд исемендәге Татар мәдәнияте үзәгендә «Шәҗәрәм» конкурсына нәтиҗәләр ясалды.

16-17 майда, Башкортстанның Октябрьск шәһәрендә Гата Сөләйманов исемендәге XXIV Республикакүләм Курай бәйрәме узачак. Бу хакта «Башинформ» агентлыгы яза.

Бүген «Ак Барс» хоккейчылары плей-офф этабының икенче уенында «Автомобилист» командасына 3:4 исәбе белән җиңелде. Матч Екатеринбургта узды.

«Халык инспекторы» кушымтасының яңартылган версиясе эше нәтиҗәләре аның нәтиҗәле булуын исбатлады. Юл хәрәкәте кагыйдәләрен бозу турындагы хәбәрләр өчен 200 мең сумнан артык акча түләнгән инде. «Татар-информ» кушымтада акчаны нәрсә өчен алырга мөмкин булуын искәртә.

Быел Иделдә ташу гадәттәгедән 20-30 көнгә иртәрәк башланды. Бу хакта» Татар-информ»га республика Гидрометеорология үзәгенең гидрология бүлеге башлыгы Алексей Соколов хәбәр итте.

Татарстанда йорт хайваннары хуҗаларына аларны асрау таләпләрен бозган өчен административ җаваплылык кертелә. Республиканың Административ хокук бозулар турындагы кодексына үзгәрешләр кертә торган әлеге закон проектын депутатларның күпчелек тавышы белән Татарстан Дәүләт Советы утырышында кабул иттеләр.

Узган атнада Галиәсгар Камал исемендәге Татар дәүләт академия театрының яңа бинасында «Такташ fest» яшь шагыйрьләр бәйгесенә йомгак ясалды. Чарада Һади Такташның тормышы турында бик күп кызыклы фактлар яңгырады. Чараның сценарий авторы, шагыйрә Лилия Гыйбадуллина нинди чыганакларга таянып эшләве һәм Такташ турындагы фикерләре белән уртаклашты.

Татарстанның Тукай районының элекке башлыгы Фаил Камаев эшен судка тапшырганнар. Аңа хезмәт вәкаләтләрен явызларча куллану һәм арттыру, шулай ук ришвәт алу турындагы маддәләр буенча гаепләү белдерелгән, дип хәбәр иттеләр Татарстан буенча Тикшерү Комитеты идарәсе матбугат хезмәтендә.

Быел Куйбышев сусаклагычында язгы процесслар кар кытлыгы шартларында бара. Синоптиклар фаразларына караганда, быел су басу күләме күзәтү елларында иң түбәне булачак. Бу хакта «Татар-информ»га «Метео» һава торышы фаразлары үзәге җитәкчесе Александр Шувалов сөйләде.

26-27 мартта Казанның Вахитов районындагы К.Насыйри исемендәге аерым фәннәрне тирәнтен өйрәтүче 80 номерлы татар-рус урта гомуми белем бирү мәктәбе базасында Бөтенроссия белем бирү оешмалары һәм якшәмбе мәктәпләренең туган тел укытучылары конкурсының йомгаклау этабы узды. Конкурста җиңүчеләрне бүләкләү тантанасында Мәгариф һәм фән министры Илсур Һадиуллин туган тел укытучыларын Ватанны саклаучылар дип атады.

Профилактическое занятие, направленное на повышение уровня информированности, с будущими водителями провела начальник отдела профилактики учреждения «Безопасность дорожного движения» Гульфия Гималтдинова.

Нурлатскому районному потребительскому обществу в этом году исполнилось 10 лет.

Трогательное видео от нурлатских бойцов было показано на торжественном мероприятии в городском Дворце культуры.

Казанда ришвәтчелеккә каршы көрәш бүлеге башлыгы Марат Хәйруллин эшмәкәрләрдән ришвәт алуда шикләнелә. «Татар-информ» мәгълүматлары буенча, ришвәт күләме – 107 миллион.

2024 елда Татарстан компанияләре Әфганстанга 37 миллион долларлык хәләл продукция экспортланган. Бу хакта «Татар-информ» хәбәрчесенә Әфганстандагы Россия эшлекле үзәге башлыгы Рөстәм Хәбибуллин сөйләде.

Россия Социаль фондының төбәк бүлекчәсе ел башыннан бирле медицина хезмәткәрләренә 8,6 миллион сумнан артык акча күчергән. Түләүләрне Татарстандагы 28 меңнән артык медицина хезмәткәре алган.

26 мартта, Я.Емельянов исемендәге мәдәни үзәктә III «Җәшнә, кояш, җалтыра» («Свети, о Солнце, сверкай») керәшен культурасы конкурс- фестиваленең гала-концерты булды. Бу хакта Бөтендөнья татар конгрессы матбугат хезмәте хәбәр итә.