Новости за 04.04.2026

Арчаның икенче мәктәбендә укытучылар өчен күн мозаикасын чигү буенча осталык дәресе үткәрелде. Бу хакта Бөтендөнья татар конгрессы матбугат хезмәте хәбәр итә.

Әлмәттә популяр «Бергә бәхетле» шәһәр проектының өченче этабы старт алды. Гаилә институтын ныгытуга һәм яшь парларга ярдәм итүгә юнәлдерелгән инициатива рәсми никахлашу тантанасын яңадан якты вакыйгага һәм актив уртак ял башлануга әйләндерә. Бу хакта «Әлмәт» сайты хәбәр итә.

Казанда 8 апрельдән 10 апрельгә кадәр Космонавтика көненә багышланган кан бирү акциясе уздырыла. Анда сәламәтлек күрсәткечләре яхшы булган, тән авырлыгы 50 килограммнан артык балигъ яшьтәге студентлар катнаша ала. Акциядә катнашырга теләге булган яшьләрне Республика Кан үзәгендә кабул итәләр.

Нәзарәтнең «Зәкят» хәйрия фонды Дагыстанда зыян күрүчеләргә ярдәм итү өчен акча җыюны игълан итте. Бу хакта ТР Диния нәзарәте мтабугат хезмәте хәбәр итә.

Галимҗан Ибраһимов исемендәге Тел, әдәбият һәм сәнгать институтының әдәбият белеме бүлеге мөдире Әлфәт Закирҗанов бүгенге көндә Габдулла Тукай мирасын өйрәнү актуальме, яшь галимнәр әлеге юнәлештә эзләнүләргә алынамы дигән сорауга җавап бирде.

Россиялеләр, хезмәт күрсәтү өлкәсен, авыл хуҗалыгын һәм сәнәгатьнең кайбер тармакларын да кертеп, берничә өлкәдә профильле белеме булмаган килеш тә аена 100 мең сумнан артык акча эшли ала. Бу хакта ТАССка Президент академиясенең Психологик-икътисади тикшеренүләр институты пространство анализы фәнни-тикшеренү үзәге директоры Дмитрий Землянский хәбәр итте.

Россиядә инвалидлыгы булган махсус операция ветераннары өчен социаль хезмәтләр алу һәм түләүләр алу тәртибен гадиләштерергә планлаштыралар. Бу хакта Дәүләт Думасы депутаты Алексей Говырин хәбәр итте.

14-19 апрельдә Галиәсгар Камал исемендәге Татар дәүләт академия театры сәхнәсендә Уфа «Нур» татар дәүләт театрының гастрольләре узачак. Бу хакта «Башинформ» хәбәр итә.

Казанда Муса Җәлил шигырьләреннән торган «Алтын кояш нурларында» исемле икетомлык нәшер ителде. Җыентык Татарстан композиторларының вокаль һәм хор өчен язылган әсәрләреннән төзелгән. Икетомлык герой-шагыйрь Муса Җәлилнең тууына 120 ел тулу уңаеннан басылды, дип хәбәр итә Татарстан китап нәшриятының телеграм-каналы.

2026 елда Корбан бәйрәме 26 майда кояш баеганда башлана. Бу хакта РИА Новостига Россия мөселманнары Дини җыены рәисе Әлбир Крганов сөйләде.

Кыргый хайваннарны Россиядә шәһәр эчендә һәм махсус сакланучы табигый территорияләрдә ашату тыелган һәм штрафларга китерергә мөмкин. Бу хакта адвокат Евгений Жаров хәбәр итте.

Түбән Камада «Нефтехим»да янгын сүндергәндә һәлак булган янгын сүндерүче Марат Нәҗипов белән хушлашу тантанасы узды. Бу хакта Дәүләт Думасы депутаты Айдар Метшин үзенең МАХ каналында хәбәр итте.

Казанда машина йөртүче юлны светофорның кызыл утына йөгереп чыгарга теләгән ике турист кызны бәрдерә.

Татарстан Фәннәр академиясендә Габдулла Тукайның тууына 140 ел тулуга багышланган «Габдулла Тукай: дәүләт сәясәте һәм иҗтимагый инициативалар контекстында коммеморатив практика» дип аталган Бөтенроссия фәнни конференциясендә филология фәннәре докторы, Г. Ибраһимов исемендәге Тел, әдәбият һәм сәнгать институтының әдәбият бүлеге мөдире Әлфәт Закирҗанов шагыйрьнең дөнья әдәбиятындагы феномены һәм төрки дөньядагы тоткан урыны турында сөйләде.

5 апрельдә төнлә һәм иртән Татарстан Республикасы территориясендә томан көтелә. Бу хакта ТР Гидрометүзәгендә хәбәр иттеләр.

Татарстанда 2026 елда язгы чәчүне 1,7 млн гектар мәйданда уздыру планлаштырыла. Язгы кыр эшләренә әзерлек турында Татарстан Республикасы Хөкүмәте Йортында узган киңәшмәдә республика авыл хуҗалыгы һәм азык-төлек министрының беренче урынбасары Ленар Гарипов хәбәр итте, дип хәбәр итә Татарстан Республикасы Рәисе матбугат хезмәте.

«Түбән Кама Нефтехим»да янгынны сүндергәндә һәлак булган янгын сүндерүчене күрсәткән батырлыгы һәм каһарманлыгы өчен дәүләт бүләгенә тәкъдим итәчәкләр. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр иттеләр.

В больницах Ульяновской области остаются 23 пострадавших при сходе поезда с рельсов. Об этом пишет РИА Новости со ссылкой на помощника министра Здравоохранения России Алексея Кузнецова.

Ульяновск өлкәсендә поезд рельслардан төшүе аркасында зыян күргән 23 кеше хастаханәләрдә кала. Бу хакта РИА Новости Россия Сәламәтлек саклау министры ярдәмчесе Алексей Кузнецовка сылтама белән яза.

8 апрельдән 15 апрельгә кадәр Уфаның «Мирас» җыр һәм бию ансамбле Татарстанда яшәүчеләргә «Дөнья ритмнары» концерт программасын тәкъдим итәчәк. Гастроль туры республиканың җиде торак пунктын колачлый һәм Казанда чыгыш белән тәмамланачак, дип хәбәр итә «Башинформ».

Казанда РСФСР һәм ТАССРның халык артисты Илһам Шакировка һәйкәл куелачак. Аның инде урыны тәгаенләгән. Бу хакта Бөтендөнья татар конгрессы матбугат хезмәте хәбәр итә.

Апрель аенда Казанның җәмәгать киңлекләрендә этләр һәм аларның хуҗалары өчен бушлай дәресләр үткәрелә. Күнекмәләрне этләрнең үз-үзен тотышын өйрәнүче белгеч Полина Кучеева уздыра. Бу хакта Казан мэриясе матбугат хезмәте хәбәр итә.

Татарстан Рәисе Рөстәм Миңнеханов Татарстан Республикасы Хөкүмәте Йортында узган республика киңәшмәсендә «Энергопром-2026» Казан халыкара форумына нәтиҗә ясады. Бу хакта республика җитәкчесенең матбугат хезмәте хәбәр итә.

Җитештерүдә куркынычсызлыкны тәэмин итү мәсьәләләре өстенлекле булып калырга тиеш. Бу хакта Татарстан Рәисе Рөстәм Миңнеханов ТР Хөкүмәте Йортында узган киңәшмәдә белдерде, дип хәбәр итә республика җитәкчесенең матбугат хезмәте.

«Урал сандугачы – 2026» конкурсы быел унсигезенче тапкыр уза. Бу елны бәйгедә Свердловск, Төмән, Курган, Чиләбе, Новосибирск, Кемерово өлкәләреннән, Пермь краеннан, Ханты-Манси автоном округыннан, Татарстан, Башкортстан, Удмуртия республикаларыннан килгән татар моңын сөючеләр катнаша. Бу хакта Бөтендөнья татар конгрессы матбугат хезмәте хәбәр итә.