Новости за 07.05.2026

Махсус хәрби операциядә катнашучылар арасында һөнәри осталык буенча «Абилимпикс» икенче чемпионатында катнашуга 870 гариза бирелгән. Бу хакта Җиңүнең 81 еллыгын бәйрәм итүгә һәм Хәрби һәм хезмәт батырлыгы елын уздыруга әзерлек буенча оештыру комитеты утырышында Татарстан Премьер-министры урынбасары Ләйлә Фазлыева хәбәр итте.

14 майда 18.30 сәгатьтә Казанның «Чулпан» мәдәният үзәгендә Татарстанның атказанган артисты Рамил Миндиярның концерты була. Артист үзенең иҗади эшчәнлеге, балачак истәлекләре һәм алдагы планнары белән уртаклашты.

8-12 май көннәрендә Татарстан территориясендә урманнарда янгын чыгу куркынычы югары булыр дип көтелә (IV класс). Бу хакта ТР Гидрометеоүзәге игълан иткән шторм кисәтүендә әйтелә.

«Россия – Ислам дөньясы: КазанФорум» XVII халыкара икътисади форумы кырларында Медиафорум узачак. Ул халыкара медиаберләшмә дискуссияләре һәм очрашулары өчен мәйданчык булачак. Төрле илләрдән журналистлар, блогерлар һәм медиаменеджерлар актуаль тенденцияләр, гамәли карарлар һәм киләчәктә хезмәттәшлекнең мөмкин булган форматлары турында фикер алышачак.

Бөек Ватан сугышы ветераннарына ярдәм итү өстенлекле бурычларның берсе булып калырга тиеш. Бу хакта Җиңүнең 81 еллыгына һәм Хәрби һәм хезмәт батырлыгы елына багышланган чараларны үткәрү буенча республика оештыру комитеты утырышында Татарстан Рәисе Рөстәм Миңнеханов белдерде.

Русия мәхкәмәсе 14 елга ирегеннән мәхрүм иткән Кырым журналисты Вилен Темерьянов хастаханәгә эләккән Ул Дондагы Ростов шәһәрендәге 1нче тикшерү изоляторыннан хастаханәгә озатылган. Бу хакта "Кырым теләктәшлеге" берләшмәсенә аның хатыны Эльмаз Темерьянова хәбәр иткән. Иренең хастаханәдә булуын хатын ире белән бер камерада утыручы тоткыннарның берсенең хатыныннан белгән. Темерьяновның хатыны аның хәзер кайдалыгынбелми. Ул Виленның кайда икәнен ачыклау өчен тикшерү изоляторына шалтыраткан. Әмма анда мондый мәгълүмат бирмәүләрен әйткәннәр. Читать дальше...

Татарстанда хәрби хезмәттән азат ителгән 3,6 меңнән артык махсус хәрби операция ветераны яши. Аларга медицина һәм психологик ярдәм күрсәтүне республика хакимияте аерым контрольдә тота. Бу хакта республикада Бөек Ватан сугышында Җиңүнең 81 еллыгын бәйрәм итүгә әзерлек һәм аны уздыру, Хәрби һәм хезмәт батырлыгы елын уздыру буенча оештыру комитеты утырышында ТР Премьер-министры урынбасары Ләйлә Фазлыева хәбәр итте.

Бу минутларда Казанда Муса Җәлил исемендәге Татар дәүләт опера һәм балет театрында Бөек Җиңүнең 81 еллыгына багышланган тантана бара.

Тубыл шәһәренең Себер-татар мәдәнияте үзәгендә XII «Себер сандугачы» төбәк ачык вокал бәйгесе узган. Бу хакта ВКонтакте социаль челтәрендәге «Себер татар дөньясы» төркемендә хәбәр ителде.

Татарстанда махсус хәрби операциядә катнашучыларга һәм аларның гаиләләренә ярдәм чаралары бюрократик тоткарлыкларсыз гамәлгә ашырылырга тиеш. Бу хакта Татарстан Республикасы Рәисе Рөстәм Миңнеханов Җиңүнең 81 еллыгына һәм Хәрби һәм хезмәт батырлыгы елына багышланган чараларны үткәрү буенча республика оештыру комитеты утырышында белдерде.

Татарстан халкын дәүләт органнары исеменнән ялган хатлар рәвешендә булуы ихтимал провокацияләр турында кисәтәләр.

Бүгенге көндә Татарстанда 5534 Бөек Ватан сугышы ветераны яши, шуларның 92се сугыш хәрәкәтләрендә турыдан-туры катнашкан. ТР Премьер-министры урынбасары Ләйлә Фазлыева республикада Бөек Ватан сугышында Җиңүнең 81 еллыгын бәйрәм итүгә әзерлек һәм аны үткәрү, шулай ук Хезмәт батырлыгы елын уздыру буенча оештыру комитеты утырышында шул хакта хәбәр итте.

Татарстан Дәүләт Советы Рәисе вазифаларын башкаручы Марат Әхмәтов бүген Социалистик Хезмәт Герое Илдус Мостюковка һәйкәл ачылышында журналистларга галим хезмәтенең әһәмияте турында әйтте.

Казан, Түбән Кама һәм Бөгелмә аэропортларында һава судноларын кабул итү һәм җибәрүгә карата чикләүләр гамәлдән чыгарылды.

Түбән Камада яшәүче пенсионер мошенниклар корбаны булган. Ир-ат 1,2 миллион сум акчасыннан колак каккан, дип хәбәр итә Татарстан буенча Эчке эшләр министрлыгы.

Татарстан Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов инициативасы белән Чаллыда Казан шәһәренең туган телләрне саклау һәм үстерү өлкәсендәге уңышлы муниципаль тәҗрибәләренә багышланган эшлекле очрашу узды.

Бүген Казанда Арча зиратының Дан аллеясендә Социалистик Хезмәт Герое Илдус Мостюковка һәйкәл ачылды.

Бүген, 7 майда, көннең икенче яртысында Татарстан башкаласында, Җиңү парады репетициясенә бәйле рәвештә, 6, 15, 22, 29, 35, 35а, 47, 74, 75, 89нчы автобуслар һәм 7нче троллейбусның хәрәкәт схемалары үзгәрә. Бу хакта Казанның Транспорт комитеты хәбәр итә.

Яңа Чишмә районы башлыгы Егор Тарнавский районның Яшьләр үзәгендә махсус хәрби операция ветераннары белән очрашты. Чара Җиңү көне алдыннан узды һәм хәрби хезмәткәрләр тыныч тормышка кайтканнан соң очраша торган мәсьәләләргә багышланды.

Май аенда эш башыннан яки сәгать исәбеннән хезмәт хакы түләнә торган хезмәткәрләр, бәйрәм көннәренең күп булуы сәбәпле, гадәттәгедән түбәнрәк эш хакы алырга мөмкин. Шул ук вакытта эш бирүчеләр, әгәр бу көннәрдә хезмәткәрләр эшкә җәлеп ителмәгән булса, аларга эшләми торган бәйрәм көннәре өчен өстәмә акча түләргә тиеш. Дәүләт Думасының Хезмәт, социаль сәясәт һәм ветераннар эшләре комитеты әгъзасы Екатерина Стенякина РИА Новости агентлыгына шулай дип белдерде.

Түбән Кама, Чаллы һәм Алабуга шәһәрләрендә «Пилотсыз очкыч һөҗүм итү куркынычы режимы» игълан ителде. Бу хакта Гадәттән тыш хәлләр министрлыгы хәбәр итә.

Татарстан Республикасының Россия Федерациясендәге Тулы вәкаләтле вәкиллеге Бөек Ватан сугышында Җиңүнең 81 еллыгын бәйрәм итү алдыннан Мәскәүнең Александров бакчасындагы «Мәңгелек ут» мемориалына һәм маршал Георгий Жуков һәйкәленә чәчәкләр салды. Бу хакта Тулы вәкаләтле вәкиллекнең матбугат хезмәте хәбәр итә.

Татарстан Республикасы территориясендә «Ракета һөҗүме куркынычы» режимы гамәлдән чыгарылды. Бу хакта Гадәттән тыш хәлләр министрлыгы хәбәр итә. «Пилотсыз очкыч һөҗүм итү куркынычы» режимы саклана.

Татарстан дәүләт идарәсен цифрлы нигездә үстерү, мәгълүмати технологияләр һәм элемтә министры Илья Начвин элемтә тармагы хезмәткәрләрен һәм ветераннарны һөнәри бәйрәмнәре – Радио һәм элемтә көне белән котлады.

Татарстан Республикасы Милли музеенда Бөек Ватан сугышында Җиңүнең 81 еллыгына багышланган «Байрак – Җиңү символы» акциясе узды. Музей фондларыннан ТАССР территориясендә формалаштырылган 146нчы укчы дивизиянең 280нче артиллерия полкы байрагын тантаналы рәвештә алып чыктылар. Дивизия Берлинны штурмлауда катнашкан. 1942 елда ТАССР Югары Советы Президиумы бу байракны фронтка озатыр алдыннан полкка тапшыра. 1961 елда ул СССР Кораллы көчләре Үзәк музееннан республиканың төп тарихи музеена китерелә.