Биектау районында яшәүчеләр: үзара салым - авылны төзекләндерүнең иң гади юлы
(Казан, 24 ноябрь, «Татар-информ»). Бүген 7.00 сәгатьтә Биектау авыл җирлегендә 7 сайлау участогы ачылды. Биредә гражданнарның үзара салым мәсьәләләре буенча референдум узды. Җирлектә яшәүчеләргә республика программасы гамәлдә булырмы-юкмы икәнлеген хәл итәргә кирәк. Бу турыда «Биектау хәбәрләре» газетасы яза.
<~>«Безнең бөтен Биектау буенча үзгәрешләр күренә. Әлбәттә, алар күбрәк булса, без тагын да шат булыр идек. Шуңа күрә килдек тә», — диде Биектау авылында яшәүче Александра Афанасьева.
<~>Җыелган акчалар авыл җирлекләренә дүрткә арттырып кайтарыла. Ул акчага авыл җирлекләрендә зиратларны төзекләндерәләр, юлларга вак таш җәяләр, балалар мәйданчыклары урнаштыралар.
<~>«Бу — үз авылыңны төзекләндерүгә, бәхетле булу һәм рәхәтләнеп яшәү өчен иң уңайлы, иң туры юл», — дип үз фикерләре белән уртаклашты Анна Никифорова.
<~>Киләсе референдум 1 декабрьдә Биектау районында Бөреле авыл җирлегендә узачак.
<~>Шулай ук 20-21 ноябрьдә вакытыннан алда тавыш бирергә мөмкин. Моның өчен үзең белән паспорт яки аны алыштыра торган башка документны алырга кирәк.
<~>