Татарстанның 259 торак пунктында юллар булмау сәбәпле чүп чыгарылмый
(Казан, 24 декабрь, «Татар-информ», Диана Авакян). Татарстанның 259 торак пунктында юллар булмау сәбәпле, каты коммуналь калдыкларны чыгару оештырылмаган. Бу хакта журналистларга ТР Төзелеш министры урынбасары Илдус Насыйров сөйләде.
«Көнбатыш зонада мондый пунктлар— 104, көнчыгыш зонада 155 пункт бар. Без, Татарстанның барлык муниципаль берәмлекләрендә каты көнкүреш калдыкларын җыю мөмкинлеге булсын, ә төбәк операторлары сыйфатлы хезмәт күрсәтсен өчен, муниципаль районнар белән берлектә, атна саен бу мәсьәләләрне хәл итәбез», — диде ул.
Нигездә бу торак пунктларда 5-10 кеше яши. Төбәк операторларының анда керү мөмкинлеге юк, дип өстәде идарә компаниясе генераль директоры урынбасары Альмир Корбанов.
«Безнең бурыч – 100 процент колачлау. Торак пунктларга керү мөмкинлеге булсын өчен без хакимият белән эшлибез», - диде ул.