Путин паллиатив медицина ярдәмен камилләштерү чараларын эшләргә кушты
(Казан, 13 гыйнвар, «Татар-информ»). Россия Президенты Путин профильле министрлыкка паллиатив медицина ярдәме күрсәтү системасын камилләштерергә кушты. Йөкләмәләр исемлеге Кремль сайтында урнаштырылган.
«РФ Сәламәтлек саклау министрлыгына РФ Сәламәтлек саклау министрлыгының паллиатив ярдәм буенча баш штаттан тыш белгечләренең Россия Федерациясе субъектлары белән хезмәттәшлеген оештыруга аерым игътибар биреп, паллиатив медицина ярдәме күрсәтү системасын үстерү буенча чаралар тәкъдим итәргә», - диелә документта.
Шулай ук министрлыкка медицина оешмаларының гаилә әгъзалары һәм туганнары белән яки паллиатив авыруларның законлы вәкилләре белән үзара хезмәттәшлеге механизмнарын камилләштерү йөкләнде.
Вероника Скворцова тиешле докладны быелның 1 апреленә тапшырырга тиеш.