Юстиция министрлыгы Татарстан Президенты сайлауларын хокукый яктан тәэмин итәргә тиеш
(Казан, 16 гыйнвар, «Татар-информ», Елена Сәлахова). ТР Юстиция министрлыгына Татарстан Президенты сайлауларын хокукый яктан сыйфатлы тәэмин итәргә кирәк. Бу хакта бүген республика Юстиция министрлыгының йомгаклау коллегиясендә Татарстан Республикасы Премьер-министрының беренче урынбасары Рөстәм Нигъмәтуллин сөйләде.
«2020 ел республика өчен ТАССР төзелүнең 100 еллыгы һәм ТР Президентын сайлаулар белән билгеләп үтелә. Планлаштырылган чараларны тиешле дәрәҗәдә үткәрергә кирәк», - диде Нигъмәтуллин.
2019 елгы эшкә йомгак ясаганнан соң Нигъмәтуллин Юстиция министрлыгына уңышлы башкарылган эшләре өчен рәхмәт белдерде.