Георгий Ибушев Казанның 14 яше тулган яшь гражданнарына паспортлар тапшырачак
(Казан, 1 февраль, «Татар-информ»). 2020 елның 4 февралендә 14.00 сәгатьтә Татарстан Республикасы Милли музеенда «Мин – Россия гражданины! Мин – Татарстан баласы!» акциясе – Казанның 14 яше тулган яшь гражданнарына паспортлар тапшыру тантанасы узачак. Яшь гражданнар ил гражданины документын Россия Федерациясенең атказанган, Татарстан Республикасының халык артисты – Георгий Мифодиевич Ибушев кулыннан алачак. Бу хакта ТР Милли музее хәбәр итә.
Георгий Ибушев белән аралашу яшь гражданнар өчен файдалы булачак, гражданлык позициясен формалаштыруда һәм яңа буын патриотизмын үстерүдә уңай чагылыш табачак, диелгән хәбәрдә.