Казанда хокук тәртибе сакчылары баскычтан егылып башын ярган ир-атка ярдәм иткән
(Казан, 1 февраль, «Татар-информ», Полина Шевчук). Казанда Росгвардия хезмәткәрләре баскычтан егылып башын ярган ир-атка ярдәм иткән. Бу хакта Росгвардиянең Татарстан буенча идарәсе матбугат хезмәте хәбәр итә.
Росгвардия хезмәткәрләре маршрут буенча патруль вакытында Әмирхан проспектында йорт янында карда кан тамчылары күргән. Ерак түгел башын тотып утырган ир-ат янына барганнар. Ир-атның башында ачык яра булган һәм аннан кан аккан. Хокук тәртибен саклаучылар ашыгыч ярдәм бригадасын чакырган, ә үзләре беренче ярдәм күрсәткән.
Ачыкланганча, ир-ат баскычтан төшкәндә абынып егылган һәм имгәнгән.