«Ак Барс» Ригада җиңү яулады
(Казан, 13 февраль, «Татар-информ», Гөлия Хәсбиуллина). Бүген Казанның «Ак Барс» командасы Ригада «Динамо» командасына каршы уенда җиңде. Матч исәбе — 1:2.
Беренче период. Бишенче минутта, «Ак Барс» күпчелектә уйнаганда, Эмиль Галимов исәпне ачып җибәрде (0:1). Унсигезенче минутта, «Динамо» күпчелектә уйнаганда, Андрис Джериньш исәпне тигезләштерде (1:1).
Икенче периодта гол кертүчеләр булмады.
Өченче период. Унтугызынчы минутта «Ак Барс» һөҗүмчесе Дмитрий Воронков командасын бер алкага алга чыгарды һәм җиңүгә китерде (1:2).
Командалар составы:
«Динамо»:
Макаров (Салак);
Дарзиньш − Джериньш — Редлихс, Берглунд − Сотниекс;
Мейя − Протапович — Эштон, Мамчицс − Маршалл;
Павлов − Лейниекс — Гиллис, Алишаускас − Балинскис;
Слепец − Шваненбергс — Гегерис (Батня), Дялога.
«Ак Барс»:
Билалов (Мифтахов);
Азеведо — Кормье — Петров, Виртанен — Яруллин;
Галиев — Воронков — Фрэттин, Викстранд — Педан;
Э. Галимов — Фисенко — Лукоянов, Рукавишников — Лямкин;
Дыняк — Галузин — Санников (Марушев), Фазылҗанов.
15 февраль көнне «Ак Барс» Казанда «Татнефть-Арена» боз сараенда Мәскәүнең «Спартак» командасын кабул итәчәк. Матч 17:00 сәгатьтә башлана.