Әлмәттә Клара Булатова белән очрашу ТАССРның 100 еллыгы уңаеннан уздырылды
(Әлмәт, 13 февраль, «Татар-информ», «Әлмәт таңнары»). «Сөйләр сүзләр әле никадәр…» ТАССР оешуга 100 ел, Бөек Ватан сугышының 75 еллыгы уңаеннан үзәк китапханәдә Габдулла Тукай премиясе лауреаты, Халык шагыйре, кызыклы шәхес, бик күп китаплар авторы, популяр язучы Клара ханым Булатова белән очрашу үтте. Бу турыда район басмасы хәбәр итә.
Чарага мәртәбәле кунаклар, шагыйрәнең иҗатын хөрмәт итүчеләр, мәктәп укучылары һәм укытучылар килде.
Очрашу Клара Булатованың шигырьләрен уку, дәртле-моңлы җырлар башкару, җылы аралашу белән үрелеп барды.