Казанда Җиңү проспектында түләүле яңа парковка барлыкка килде
(Казан, 3 март, «Татар-информ»). Казанда Җиңү проспекты буенча 56нчы номерлы йорттан ерак түгел 50 машина урынына исәпләнгән яңа түләүле муниципаль парковка барлыкка килде. Бу хакта Казан транспорт комитеты хәбәр итә.
Әлегә парковка тест режимында бушлай эшли. Түләү 16 марттан кертеләчәк.
Парковкада тиешле юл билгеләре, мәгълүмат такталары һәм паркоматлар урнаштырылган.
Бу урында парковканың 1 сәгатьлек бәясе - 30 сум. Түләмәгән өчен 2500 сум штраф каралган.