Актаныш урамнарын яшелләндерүгә район башлыгы да үз өлешен кертте
(Актаныш, 5 май, «Татар-информ», «Актаныш таңнары»). Актанышның Тынычлык урамында юкәләр утыртылды. Бүген Актаныш урамнарын яшелләндерүгә район башлыгы Энгель Фәттахов та үз өлешен кертте. Бу турыда район басмасы хәбәр итә.
Яз башыннан, «Актаныш каты көнкүреш калдыклары полигоны» оешмасы тарафыннан район үзәгендә 4000 меңгә якын нарат, пихта, чыршы агачлары утыртылды.
Баян Дәүләтов, Гамил Афзал, Юбилей, Салих Хөснияров, Мәктәп урамнары яшелләндерелде. Үсентеләрнең бер өлеше Минзәлә урманчылыгыннан алынган. Күпчелек Иске Богады һәм Иске Байсар питомникларында үскән агачлар утыртылды.