Әлки районында фермалар өчен терлек азыгы әзерләү эшләре дәвам итә
(Әлки, 6 июнь, «Татар-информ», « Әлки хәбәрләре», Азат Низамиев). Хәзерге вакытта Әлки районында меңәрләгән баш мөгезле эре терлекле комплекслар, маллар симертү мәйданчыклары һәм фермалар өчен терлек азыгы әзерләү эшләре алып бара. Бу хакта район газетасы яза.
Хуҗалыкларда күпьеллык үләннәрдән сенаж салалар. Хәзер яшь үлән массасын тиз арада җыеп базларга салу бурычы тора. Бу эш шул ягы белән дә мөһим, беренче чабуны (укос) тизрәк — кыска вакытта җыеп алганда аның икенче һәм өченче чабулары да иртәрәк өлгерә дигән сүз.
Бүгенге көнгә мең тонна йөкне кырдан базга ташыганнар.