Татарстанда бераз суытачак
![Татарстанда бераз суытачак](https://tatar-inform.tatar/attachments/0f9e0ed9e1710b23b6ab5bd91d285405f74da82b/store/fill/780/440/7582c96f7218f78487d18e00c324ca2fc57eff51ca2c67fe9819ee2255df/%D0%BA%D0%B0%D0%B1%D0%B0%D0%BD%5B1%5D.jpg)
(Казан, 12 июнь, «Татар-информ»). Иртәгә, 13 июньдә, Татарстанда бераз суытачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә. Аязучан болытлы һава торышы булачак. Төнлә бераз яңгыр явачак, көндез исә республика территориясендә явым-төшем булу ихтималы аз. Төньяк-көнбатыштан талгын җил исәчәк, бераздан ул юнәлешен төньяк-көнчыгышка таба үзгәртәчәк. Төнлә һава температурасы +7..+12, көндез +16..+21 градус тәшкил итәчәк. «Татар-информ» агентлыгы атна ахырында Татарстанда температура фонының түбәнәюе көтелә дип хәбәр иткән иде инде.