Түбән Камада Симферопольгә даими авиарейслар ачылды
(Казан, 17 июнь, «Татар-информ»). Түбән Камадан Симферопольгә даими авиарейслар ачылды. Очышлар атнага дүрт тапкыр башкарылачак, дип хәбәр итә «Бигеш» аэропорты матбугат хезмәте. «Быел җәй Кара диңгез яры курортларында ял итүне өстен күргән пассажирлар Кырымда 23 октябрьгә кадәр ял итә алачак», — диелә хәбәрдә. «Бигеш» аэропортыннан Симферопольгә дүшәмбе, чәршәмбе, җомга һәм якшәмбе көннәрендә очарга мөмкин булачак. Пассажирлар ташу өчен 189 кеше сыйдырышлы Boeing 737-800 лайнерлары гамәлдә булачак.