Александр Малькевич Казанда сайлау участогында тавыш бирде
(Казан, 27 июнь, «Татар-информ», Наталья Рыбакова). Россия Конституциясенә үзгәрешләр кертүне хуплау мәсьәләсе буенча гомумроссия тавыш бирүенә әзерлек буенча РФ Иҗтимагый палатасының эш төркеме әгъзасы, Милли кыйммәтләрне яклау фонды президенты Александр Малькевич бүген Казанда булды. Ул КАИ бинасында 42нче сайлау участогында РФ Конституциясенә төзәтмәләр кертү буенча тавыш бирүдә катнашты. «Без илебезнең киләчәген билгеләп, Россиянең Төп законына төзәтмәләр өчен тавыш биреп зур эш башкарабыз. Аның буенча безгә, балаларыбызга һәм оныкларыбызга яшәргә туры киләчәк. Конституциягә төзәтмәләр артыннан бик күп законнар һәм норматив актлар кабул ителәчәк, алар якланачак хокукларыбызны үстерәчәк», — дип хәбәр итте федераль эксперт Казан журналистларына тавыш биргәннән соң. «Бернинди каршылыклар булмады. Үз участогымнан төшеп, Казан участогына теркәлдем. Гариза алып килдем. Дәүләт хезмәтләре порталыннан бернинди документ кирәк булмады, чөнки мин автомат рәвештә сайлаучылар реестрына кертелгән», - диде белгеч. Малькевич фикеренчә, тиздән республикага электрон тавыш бирү киләчәк, ул күп очракта «цифрлы модаларның закон чыгаручысы» булып тора һәм төрле инновацияләр үсеше өлешендә күп нәрсә эшли. Мисал өчен, үзизоляция режимы вакытында монда беренче тапкыр цифрлы пропуск кертелде. Татарстанда гамәлгә куелган эшләнмәләргә ихтыяҗ булачак, дип ышана ул. Александр Малькевич республикага «Волга» эксперт клубының тавыш бирү барышы турында фикер алышуга багышланган утырышында катнашу өчен килде. Кичә ул шәхсән үзе Казанның 181нче номерлы мәктәбендә участок сайлау комиссиясен һәм Казан аэропортында вакытлы сайлау участогы комиссиясен тикшерде. Кунак Татарстан башкаласында 28 июньгә кадәр булачак. Махсус безнең төбәктә тавыш бирү өчен Малькевич алдан ук Татарстан сайлау участогында теркәлде.