Юдинода яңа яшьләр үзәге җитәкчесе вазифасына конкурс игълан ителде
(Казан, 20 июль, «Татар-информ»). Юдино торак массивында яшьләр үзәге җитәкчесе вазифасына конкурс игълан ителде. Бу хакта ТР башкаласы Мэриясенең матбугат хезмәте хәбәр итә.
«Мин бәйгенең зур кызыксыну уятуына ышанам. Барыннан да элек, Юдинода туган кешеләр арасында. Бу иртәгәсе көннең яшүсмерләр клубында балалар белән яңа кызыклы эш алып бару өчен менә дигән мөмкинлек», — дип билгеләде Казан мэры Илсур Метшин.
Яңа объект Революционная урамы, 29 йорт адресы буенча урнашачак. Бинаны тантаналы ачу август ахырына планлаштырылган.
Катнашу өчен гаризалар 30 июльгә кадәр кабул ителә. Конкурс ике этапта уздырыла: читтән торып үткәрелә торган этап - 17-30 июль, турыдан-туры этап — 3-10 август көннәрендә.