Электр җиһазларының дөрес эшләмәве сәбәпле, иртән Казанда шәхси йорт янган
(Казан, 31 июль, «Татар-информ», Наталия Никифорова). Электр җиһазларының дөрес эшләмәве сәбәпле, иртән Казанда шәхси йорт янды. Бу хакта «Татар-информ»га ТР буенча Росссия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.
Казанда 3нче Отар урамында шәхси йорт һәм корылмалар януы турындагы хәбәр 7нче янгын сүндерү-коткару отрядына бүген 06.53 сәгатьтә алынган.
Җиде минуттан соң янгын сүндерүчеләр урында була. Алар 120 квадрат метрлы мәйданда ишегалды корылмалары һәм торак йорт януын күрә.
Кырык минуттан соң ут сүндерелгән. Һәлак булучылар һәм зыян күрүчеләр юк.
Беренчел фаразлар буенча, янгын электр җиһазларын урнаштыру һәм эксплуатацияләү кагыйдәләрен бозу аркасында килеп чыккан.