Татар яшьләре өчен яңа радио эшли башлады
![Татар яшьләре өчен яңа радио эшли башлады](https://tatar-inform.tatar/attachments/46baa87a5059190ac12e1870b21fa11d4a1a9938/store/fill/780/440/5c5326f5b7c17f98e9efa137de923e8e75b85ef038fe49a01658e0a86b0a/%D1%83%D1%80%D0%B1%D0%B0%D0%BD%D1%82%D0%B0%D1%82%D0%B0%D1%80.jpg)
(Казан, 11 август, «Татар-информ», Ләйсән Рәхмәтуллина). Бүген татар яшьләре өчен URBANTATAR дип аталган радио эшли башлады. Бу хакта проектның җитәкчесе Гүзәл Әхмәтгәрәева «Татар-информ»га хәбәр итте. «Безнең радиода бары тик альтернатив татар музыкасы: рэп, фолк, рок, этно, электрон жанрлар яңгыраячак. Тамашачыбыз — татар яшьләре. Бүген иртән тест рәвешендә интернет-радионы ясап җибәрдек. Көндез бу хакта инстаграмда афиша да элдек», — дип сөйләде Гүзәл Әхмәтгәрәева. URBANTATAR радиосын тыңлар өчен urban.tatar сайтына керергә кирәк. «Әлегә радиобыз сайтта гына эшли, якын арада кушымта да чыгарырга ниятлибез», — диде Гүзәл.