Чистайда яңа футбол мәйданчыгы ачтылар
(Казан, 20 сентябрь, «Татар-информ»). Чистайда автовокзалдан ерак түгел заманча футбол мәйданчыгы ачтылар. Ачык спорт объектын республика программасы буенча төзелгәннәр. Бу турыда «Чистопольские известия» газетасы яза. Мәйданчыкны ачу чарасында район башлыгы Дмитрий Иванов, предприятие һәм җәмәгать оешмалары вәкилләре, төрле яшьтәге авыл кешеләре катнашты. Радель һәм Радмир Валиуллиннар футбол мәйдданчыгына әбиләре белән килгән. «Безгә бик ошады. Футбол уйнау — безнең хыялыбыз. Монда көн саен киләчәкбез», — диде алар. Малайларның хыялы чынга ашачак. Балалар белән футбол буенча проефессиональ тренер шөгыльләнәчәк. Мәйданчык территориясен төзекләндерү планлаштырыла. Малайлар яңа мәйданчыкта футбол уйнады.