Санкт-Петербургта көзгә кичектерелгән Сабан туе кабат булмый калды
(Казан, 4 октябрь, «Татар-информ»). «Санкт-Петербург Сабан туе 2020» бәйрәменең оештыру комитеты Санкт-Петербург шәһәре җитәкчелеге белән килешү буенча коронавирус инфекциясе таралуын кисәтү өчен бәйрәмне үткәрмәү турында карарга килгән.
Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллегенең матбугат хезмәте хәбәр итә.