Айдар Хафиз туган авылында җирләнәчәк
(Казан, 13 декабрь, «Татар-информ»). Күренекле артист Айдар Хафиз Питрәч районының Күн авылында җирләнәчәк. Бу хакта кызы Айсылу Хафизова хәбәр итә.
Айдар Хафиз йөрәге бүген хастаханәдә тибүдән туктаган . Күренекле актерга 77 яшь иде.
Татарстанның халык, Россиянең атказанган артисты Айдар Хафиз соңгы юлга иртәгә 13.00 сәгатьтә Камал театры алдындагы мәйданнан озатылачак .