Татарстанда коронавирустан тагын ике үлем очрагы теркәлгән
(Казан, 15 декабрь, «Татар-информ»). Татарстанда коронавирус йоктырган тагын ике кеше үлгән. Бу хакта ТР Сәламәтлек саклау министрлыгының матбугат хезмәте хәбәр итә. «Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелә ведомство хәбәрендә. 1948 елда туган хатын-кыз һәм 1963 елда туган ир-ат инфекция корбаны була. Шулай итеп, Covid-19 инфекциясеннән үлем очраклары 166га җиткән. Соңгы мәгълүматларга караганда, республикада коронавирус инфекциясен тагын 96 кеше йоктырган.