Синоптиклар Татарстанда томан төшү һәм бозлавык хасил булу хакында кисәтте
![Синоптиклар Татарстанда томан төшү һәм бозлавык хасил булу хакында кисәтте](https://tatar-inform.tatar/attachments/41cc1431405b8b02bf05600dfadcd74fd3d55689/store/crop_and_fill/16/143/5399/3033/780/440/d55c9fe73755fd994e7d90debaa627909cdcfcf7cd99dfcb5cbc310290fc/AI3I7058.jpg)
(Казан, 20 декабрь, «Татар-информ»). 21 декабрьдә төнлә һәм көндез Татарстан территориясендә һәм Казанда урыны белән томан төшүе көтелә. Шулай ук көндез һәм кич юлларда бозлавык барлыкка киләчәк. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә. «Татар-информ» агентлыгы элегрәк Татарстанда -30 градуска кадәр суытачак дип хәбәр иткән иде. 21 декабрьдә көндез -15, -21 градус салкын булачак. Якынча белешмә буенча, 22 декабрьдә республикада һава шартларында сизелерлек үзгәрешләр көтелми. Төнлә -18.. -23, урыны белән -28 градуска кадәр суытачак. Көндез -12.. -17 градус салкын булачак.