Татарстанда тагын ике кеше коронавирустан үлгән
![Татарстанда тагын ике кеше коронавирустан үлгән](https://tatar-inform.tatar/attachments/5487347f2cea2efdd7d03895bd950ea5e62e9fdb/store/fill/780/440/6109d8ecec1fa730299fa3dcb95c3e4f4667c751886c9232074009dc843c/photo_2020-10-10_19-53-41%5B1%5D%5B1%5D%5B1%5D%5B1%5D%5B1%5D.jpg)
(Казан, 9 гыйнвар, «Татар-информ»). Татарстанда тагын ике кеше яңа төрдәге Covid-19 коронавирус инфекциясе корбаны булган. Бу хакта ТР Сәламәтлек саклау министрлыгының матбугат хезмәтеннән хәбәр иттеләр.
«Бүген Татарстанда коронавирус инфекциясеннән вафат булуның ике очрагы расланды», — дип белдерделәр министрлыкта.
Коронавирустан 1933 елгы ир-ат һәм 1947 елгы хатын-кыз үлгән.
Ведомствода ачыклык кертүләренчә, үлемнең сәбәбе патологоанатомик экспертиза нәтиҗәсендә ачыкланган һәм вирус идентификацияләнгән.
Шул рәвешле, 9 гыйнварга булган мәгълүматлар буенча, Татарстанда яңа төрдәге Covid-19 коронавирус инфекциясеннән вафат булган пациентлар саны 207гә җитте.