Синоптиклар Татарстанда буран һәм кар көртләре турында кисәтте
![Синоптиклар Татарстанда буран һәм кар көртләре турында кисәтте](https://tatar-inform.tatar/attachments/6643f74ecaeeea3b8e1c3aaf3ef841ce718dac43/store/fill/780/440/5833a3deb0f513fc9e6fb8203e79d896f3db881e18093b8eb376d871ad42/04aadc576d4c0320dee774f5%5B1%5D.jpg)
(Казан, 15 гыйнвар, «Татар-информ»). 16 гыйнварда төнлә һәм көндез Татарстан территориясендә һәм Казанда урыны белән көчле җил, буран, юлларда кар көртләре көтелә. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
Буран вакытында күз күреме 500-1000 метрга кадәр начарланачак. Җил көчәйгәндә секундына 15-17 метр тизлек белән исәчәк.
«Татар-информ» хәбәр иткәнчә, киләсе атнада республикада явым-төшем акрынлап кимиячәк. Һава температурасы -29 градуска кадәр төшәчәк.