Татарстанда коронавирустан тагын биш кеше үлгән
![Татарстанда коронавирустан тагын биш кеше үлгән](https://tatar-inform.tatar/attachments/52da2d9e4473004861d8879191146e2dce07e9c8/store/fill/780/440/678a41fc0a6a968e9a7533770b96a3e976b3dbbe9c7a5b25abdf1ecd8652/VVS_9786%5B1%5D.jpg)
(Казан, 27 гыйнвар, «Татар-информ»). Татарстанда коронавирус инфекциясеннән тагын биш үлем очрагы расланган. Бу турыда Татарстан Сәламәтлек саклау министрлыгы матбугат хезмәте хәбәр итә. Республикада 1934 елда һәм 1947 елда туган хатын-кызлар, 1951, 1955 һәм 1958 елда туган ир-атлар үлгән. «Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», — диелгән хәбәрдә. Бүгенгә республикада коронавирустан 252 үлем очрагы теркәлгән.