Татарстанда 22 февральдә томан булачак
![Татарстанда 22 февральдә томан булачак](https://tatar-inform.tatar/attachments/b0776d9b70d2adb53bad9b1afdae22cd8932eb1b/store/fill/780/440/d67c9a418e554d3f243933edb9e7ec3d5f8ff39bf9c7ba70d9727084b84b/%D0%B7%D0%B0%D1%85%D0%B0%D1%80%D0%BE%D0%B2%2B9.jpg)
(Казан, 21 февраль, «Татар-информ»). Татарстанлыларны дүшәмбе көнне һава шартларының начараюы турында кисәттеләр.
«Татарстан Республикасы территориясендә 22 февральдә төнлә һәм иртән урыны белән томан көтелә», — диелә ТР Гидрометеорология үзәге сайтында урнаштырылган хәбәрдә.
Алмашынучан болытлы һава торышы фаразлана, явым-төшем күзәтелми. Юлларда бозлавык хасил була. Җил көньяк-көнбатыштан төньяк-көнчыгышка таба үзгәрә.
Аномаль салкын һава торышы саклана. Шулай итеп, төнлә һәм иртән термометр баганасы -24..-29 градуска кадәр төшәчәк, аязган вакытта -37 градус көтелә. Көндез һава температурасы -18дән алып -23 градуска кадәр булачак.