Татарстанда 1 градуска кадәр җылытачак
![Татарстанда 1 градуска кадәр җылытачак](https://tatar-inform.tatar/attachments/8d2a36707a80eb21d490d5db732d0691e7642794/store/fill/780/440/fb7ebc6f33f3e800e1a080bb5c892f653f01a34ebf42f8cb02db1d116a53/VVS_2461.jpg)
(Казан, 1 март, «Татар-информ»). Сишәмбе Татарстанда җепшек кар явуы көтелә.
«Болытлы, төнлә аязучан болытлы һава торышы күзәтелә. Төнлә урыны белән бераз кар явачак», - диелә ТР Гидрометеорология үзәге матбугат хезмәте хәбәрендә.
Көндезге сәгатьләрдә җепшек кар, көчле җил, урыны белән буран көтелә.
Төнлә 14-19 градуска кадәр салкын була, көнчыгыш районнарда -25 градуска кадәр булачак. Иртәнге сәгатьләрдә 8-13 градуска, көнчыгышта 18 градуска кадәр салкын күзәтелә. Көндез исә, алдан фаразлаулар буенча, -4 тән + 1 градуска кадәр булачак. Көнчыгышта температура -8 градустан артмаячак.
Юлларда бозлавык фаразлана.