Татарстанда узган тәүлектә 49 кеше коронавирус йоктырган
(Казан, 3 март, «Татар-информ», Арсений Кәримов). Узган тәүлектә Татарстанда коронавирус белән зарарлануның 49 яңа очрагы теркәлгән. Шулай итеп, барлыгы 18 меңнән артык авыру ачыкланган.
«Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат секретаре Миләүшә Җамалиева шул хакта сөйләде.
«Узган тәүлектә республикада яңа коронавирус инфекциясенең 49 яңа очрагы теркәлгән. Шулай итеп, Татарстанда үсеш буенча 18 131 очрак ачыкланган», - дип билгеләп үтте спикер.
Бу вакыт эчендә коронавирустан республиканың 14 783 кешесе дәваланды, шул исәптән 91е — узган тәүлектә, дип өстәде Республиканың сәламәтлек саклау министры урынбасары Владимир Жаворонков.