Табиб «Спутник V» вакцинасының нерв системасына тәэсире бармы-юкмы икәнлеген аңлатты
(Казан, 11 март, «Татар-информ»). Коронавирус инфекциясеннән «Спутник V» вакцинасы нерв системасына һәм когнитив функцияләргә йогынты ясый алмый.
РИА Новости бу хакта медицина фәннәре докторы, Мәскәү Сәламәтлек саклау департаментының Н.А. Алексеев исемендәге1нче психиатрия клиник хастаханәсе баш табибы Георгий Костюкка сылтама белән хәбәр итә.
Хәтта риск төркеменә керүче пациентларда да организмга мондый йогынты табылмаган.
«Катгый иттереп, юк дип әйтә алам. Һәм безнең күзәтүләргә килгәндә, безнең пациентлар 65+ һәм чиргә тиз бирешүчәннәр. Без моны да күзәтәбез», - диде табиб.
Ул 65 яшьтән прививка алган өлкәннәр организмының реакцияләре вакцина алган яшьрәк төркемгә караганда җиңелрәк булганлыгын өстәп әйткән.