Лаеш районында шәхси йортта янгында ир-ат һәлак булган
(Казан, 14 апрель, «Татар-информ», Павел Климчак). Төнлә Лаеш районының Нармонка авылында агач йорт янган. Бу хакта «Татар-информ»га Россия Гадәттән тыш хәлләр министрлыгы ТР буенча Баш идарәсе матбугат хезмәтендә сөйләделәр. Йорт яну турында хәбәр 101нче янгын сагы номерына төнге икенче яртыда алынган. Янгын сүндерүчеләр шунда ук һәлакәт урынына чыккан. Янгын мәйданы 25 квадрат метр тәшкил иткән. Янгын сүндерүчеләр кисәүләрне актарганда йортның 79 яшьлек хуҗасы мәетен тапкан. Янган йорт хуҗасы психиатрия диспансерында исәптә торган, шулай ук спиртлы эчемлекләр кулланган. Хәзерге вакытта янгын сәбәбе ачыклана.