Казанга Кыргызстан Премьер-министры килде
![Казанга Кыргызстан Премьер-министры килде](https://tatar-inform.tatar/attachments/1f58997840fcd073e96053d172b50a543b073b1f/store/fill/780/440/fbe7c3df8b40bbb18044c6a24200ece81072b19543313f30c0f17fad1bf3/3e4f2165495755d296ddbd7868455ad6.jpg)
(Казан, 28 апрель, «Татар-информ»). Татарстанга Кыргызстан Премьер-министры Улукбәк Марипов килде. Кунакны Казанның Габдулла Тукай исемендәге Халыкара аэропортында ТР Премьер-министры Алексей Песошин каршы алды. Улукбек Марипов 29 һәм 30 апрельдә узачак Евразия хөкүмәтара советы чараларында катнашу өчен килде. Бу турыда республика Президенты матбугат хезмәте хәбәр итә. Евразия икътисади берлеге - халыкара икътисади интеграция оешмасы, аның составына Россия, Беларусь, Әрмәнстан, Казахстан, Кыргызстан керә. Элегрәк хәбәр ителгәнчә, чарада катнашу өчен Казанга Белоруссия һәм Казахстан премьер-министрлары Роман Головченко һәм Аскар Мамин, шулай ук Россия Хөкүмәте Рәисе Михаил Мишустин килгән иде.