Алексей Песошин һәм Игорь Комаров Санкт-Петербург форумында Татарстан стендын карады
![Алексей Песошин һәм Игорь Комаров Санкт-Петербург форумында Татарстан стендын карады](https://tatar-inform.tatar/attachments/4a639f161a01d4fc74d9ae0db20c19ccddceed7b/store/fill/780/440/c594bb6365cc6ebe0a77ab1d7e1c23ba5cbd05708d58268699b2b9b288c2/c1e8e5a0e58e29c11e3864f186e6c074.jpeg)
(Казан, 4 июнь, «Татар-информ»). Бүген Россия Президентының Идел буе федераль округындагы Тулы вәкаләтле вәкиле Игорь Комаров Петербург халыкара икътисади форумында Татарстанның Презентацион стендында булды.
«Игорь Комаров һәм Татарстан Премьер-министры Алексей Песошин Идел буе федераль округы составындагы бер төбәге буларак Татарстанның социаль-икътисади күрсәткечләре, шулай ук хәзерге вакытта гамәлгә ашырыла торган инвестиция проектлары турында фикер алыштылар», — диелә ТР Президенты матбугат хезмәте хәбәрендә.
Татарстан Премьер-министры урынбасары Роман Шәйхетдинов «Иннополис» махсус икътисади зонасы үсеше һәм аның территориясендәге яңа объектлар турында кыскача сөйләде.
«Татар-информ» хәбәр иткәнчә, Игорь Комаров Чаллы шәһәрендә «КАМАЗ» җәмгыятенең җитештерү предприятиеләрендә булды.