Чаллыда кран аву нәтиҗәсендә кранчы хатын-кыз үлгәннән соң җинаять эше кузгатылды
(Казан, 11 июль, «Татар-информ», Полина Шевчук). Россия Тикшерү комитетының ТР буенча идарәсе җитәкчесенең өлкән ярдәмчесе хәбәр иткәнчә, «Төзелеш эшләре башкарган вакытта иминлек кагыйдәләрен бозу» маддәсе буенча җинаять эше кузгатылган.
Тикшерү мәгълүматлары буенча, көчле җил 60 метрлы башнялы кранны аудару нәтиҗәсендә 48 яшьлек хатын-кыз һәлак булган.
Хәзерге вакытта тикшерүчеләр әлеге фаҗиганең барлык нечкәлекләрен ачыклый.
«Татар-информ» агентлыгы Чаллыда башнялы кран авуы хакында элегрәк хәбәр иткән иде.