Татарстанда ике фура бәрелешкән, бер кеше имгәнгән
![Татарстанда ике фура бәрелешкән, бер кеше имгәнгән](https://tatar-inform.tatar/attachments/11a715e7065a32c945531da6557bac441935eb62/store/fill/780/440/76e143a7daa8cf9cdf272cf3200dc916b1f1ea745079eadb0da262e266b7/99321cd78f406f5c36a09f9d6e30d7b3%5B1%5D.jpeg)
(Казан, 21 июль, «Татар-информ», Полина Шевчук). Бүген 14.00 сәгать тирәсендә Минзәлә районының Хуҗамәт авылы янында ике фура бәрелешкән.
Mercedes йөк машинасы Казахстаннан килгән булган, ә Freightliner автомобиле — Кырымнан. Шаһитлар сөйләвенчә, Mercedes алдан бара торган фураны куып җитеп бәрдергән, аннары юл кырыена төшеп киткән.
«Германиядә җитештерелгән йөк машинасы йөртүчесе салонда кысылып калган. Аны коткаручылар чыгарган. Ир-атны ашыгыч ярдәм табиблары хастаханәгә алып киткән», — дип сөйләде юл-транспорт һәлакәте шаһитлары.