Коронавирусның яңа штаммнары йолдызлык исеме белән аталырга мөмкин
(Казан, 8 август, «Татар-информ»). Грек хәрефләре җитмәгән очракта йолдызлыклар атамалары коронавирусның яңа штаммнарын билгеләү өчен хезмәт итә ала. Бу хакта Бөтендөнья сәламәтлек саклау оешмасы эксперты Мария ван Керкхове сүзләренә сылтама белән ТАСС хәбәр итә.
«Без чынлыкта йолдызлык вариантын уйлыйбыз», — диде ул, борынгы грек аллалары һәм алиһәләре исемнәре дә каралуын билгеләп, ләкин аннан инде баш тарттылар.
Керкхове фикеренчә, вирус мутацияләре аркасында киләчәктә грек алфавитының 24 хәрефе аның яңа төрләрен билгеләү өчен җитмәскә мөмкин.
Вирусның яңа штаммнары өчен атамалар буенча карар «чагыштырмача тиз» игълан ителәчәк. Ул ачыклаганча, хәзер вируслар эволюциясе буенча эшче төркем һәм Бөтендөнья сәламәтлек саклау оешмасы юристлары командасы исемнәре «беркемнең дә кәефен бозмасын» өчен тәкъдимнәрне ике тапкыр тикшерә.