Пермь янында Су-24 очкычы һәлакәткә юлыккан
(Казан, 27 август, «Татар-информ»). Пермь янында Су-24 истребителе һәлакәткә юлыккан. Бу хакта ТАСС агентлыгы хәбәр итә. Үзәк хәрби округтан белдерүләренчә, самолет бортындагы ике пилот парашют белән җиргә сикереп өлгергән. «27 августта планлы төзекләндерү үткәрү өчен авиаремонт предприятиесенә кергән вакытта Пермь шәһәреннән 95 чакрым көнбатыштарак Су-24 очкычы авариягә юлыккан. Очучылар парашют белән җиргә сикергән», - дип искәрттеләр округта.
Аларны эвакуацияләү өчен эзләү-коткару хезмәте вертолетын җибәргәннәр.
Самолет һәлакәткә юлыккан урында инфраструктурага зыян килмәгән.