Алексей Песошин һәм Константин Цицин хезмәттәшлек турында фикер алышты
(Казан, 3 сентябрь, «Татар-информ»). Татарстан Премьер-министры Алексей Песошин Торак-коммуналь хуҗалыкны реформалауга ярдәм фонды генераль директоры Константин Цицин белән очрашты. Очрашу Татарстан Хөкүмәт Йортында узды.
Очрашуда республика хөкүмәте һәм фонд арасында торак-коммуналь хуҗалыкны үстерү, коммуналь инфраструктура системаларын модернизацияләү һәм башка юнәлешләр өлкәсендә хезмәттәшлек мәсьәләләре каралды. Бу турыда республика Президенты матбугат хезмәте хәбәр итә.
Цицин Песошинга гражданнарны авария хәлендәге торактан күчерү программасын финанслау өчен түләү йөкләмәләре бирде.