Миңнеханов Түбән Камада WorldSkills стандарты буенча чемпионат мәйданчыкларын карады
(Казан, 7 сентябрь, «Татар-информ», Алексей Угаров). Татарстан Президенты Рөстәм Миңнеханов Түбән Камада Лемаев исемендәге нефть химиясе һәм нефть эшкәртү көллиятендә булды.
Монда WorldSkills стандартлары буенча PetroChemSkills-2021 Икенче ачык тармак чемпионаты уза. Бу хакта республика башлыгының матбугат хезмәте җитәкчесе Лилия Галимова хәбәр итә.
«Аудиторияләрнең берсендә Рөстәм Миңнеханов „Лаборатор химик анализ“ һәм „Химик җитештерү аппаратчысы“ компетенцияләре белән танышты», — диде ул.
6 сентябрьдән 1 октябрьгә кадәр Түбән Камада нефть-газ-химия тармагы эшчеләре арасында 12 компетенция буенча чемпионат уза. Аларда Россиянең Томск, Төмән, Тубып, Воронеж, Кстов һәм башка шәһәрләреннән килгән 70 осталар катнаша.