Казахстанның Күкчәтау шәһәрендә «Татарча диктант» яздылар
(Казан, 12 сентябрь, «Татар-информ»). Казахстанның Күкчәтау шәһәрендә яшәүче татарлар «Татарча диктант» акциясенә кушылды.
Казахстаның Акмулла өлкәсенең татар һәм башкорт берләшмәсе вәкилләре Күкчәтау шәһәрендә офлайн режимда татарча диктант язды, дип хәбәр итте Бөтендөнья татар конгрессы .
Берничә гаилә чарага онлайн да кушылган.
Диктант язучының иң өлкәне — 82 яшьлек Светлана Ибраһимова, иң яше — якшәмбе татар мәктәбе укучысы, 14 яшьлек Кристина Прохоренко, диелә хәбәрдә.