Табиб авыр формадагы коронавирусның төп сәбәпләренең берсен атады
(Казан, 15 октябрь, «Татар-информ»). Пандемия фонында Бөтендөнья сәламәтлек саклау оешмасын халыкның симерүе аеруча борчый, дип белдерде Бөтендөнья сәламәтлек саклау оешмасының йогышлы булмаган авыруларны профилактикалау буенча Европа офисы башлыгы доктор Кремлин Викрамсингхе. Бу хакта РИА Новости хәбәр итә.
Доктор Кремлин сүзләренә караганда, симерү проблемасы пандемия вакытында тагын да кискенләшкән — үз-үзеңне изоляцияләү һәм читтән торып эш белән тәэмин итү аркасында даими тукланмау тенденциясе көчәйгән. Балалар арасында да хәл начарланган.
Викрамсингхе сөйләвенчә, балалар һәм яшүсмерләр сәламәт булмаган продуктларны рекламалау аудиториясенә әверелгән. Аерым алганда, Бөекбритания мәгълүматлары нигезендә, аларның туклану характеры һәм режимы үзгәрүе күзәтелә.