Мәгълүмати куркынычсызлык буенча «Innopolis Open» олимпиадасы расписаниесе үзгәрде
(Казан, 13 ноябрь, «Татар-информ»). Мәгълүмати куркынычсызлык буенча «Innopolis Open» олимпиадасы расписаниесенә үзгәрешләр басылды.
Татарстан Мәгариф һәм фән министрлыгы хәбәр иткәнчә, ярышлар түбәндәге график буенча узачак: 2021 елның 27-28 ноябре — шәхси сайлап алу этабы; 2022 елның 29-30 гыйнвары — команда сайлап алу этабы; 2022 елның 23-27 феврале — шәхси һәм команда йомгаклау этабы.
Катнашырга 7-11 сыйныф укучылары чакырыла. Теркәлү ачык.
Ярыш Россия югары уку йортларына кергәндә ташламалар алу хокукын бирә торган олимпиадалар исемлегенә керә.