Миңнеханов социаль челтәрләрдә язылучыларын һава торышы начарлану турында кисәтте
(Казан, 17 ноябрь, «Татар-информ»). Татарстан Президенты Рөстәм Миңнеханов социаль челтәрләрдә язылучыларын көчле кар яву турында кисәтте.
«Синоптиклар Татарстанда буран фаразлый. Юлларда, бигрәк тә төнге вакытта сак булыгыз. Юлларда сак булыгыз!» — дип язган республика җитәкчесе Instagram, Twitter һәм «ВКонтакте» социаль челтәрләрендәге шәхси сәхифәләрендә.
Язылучылар комментарийларда: «Безнең Президентыбыз һава торышы турында, синоптикларга караганда да тизрәк кисәтә!», «Кисәтү өчен рәхмәт белдерәбез!» — дип җавап бирде.
Элегрәк «Татар-информ» МА КФУ профессоры казанлыларны аномаль җылылык һәм кар явуы турында кисәтте, дип хәбәр итте.