Әлмәт районы башлыгы барлык балалар да Яңа ел бүләкләре алачагын ышандырды
(Әлмәт, 11 декабрь, «Татар-информ», «Әлмәт таңнары »). Әлмәт районы башлыгы Тимур Нагуманов муниципалитетта барлык балалар да Яңа ел бүләкләре алачак дип ышандырды. Бу хакта Әлмәт районы башлыгы Тимур Нагуманов туры эфирда, бер әлмәтленең татлы ризыклар белән традицион җыелмаларны юк итү турындагы соравына җавап биреп хәбәр итте. «Бүләкләрне беркем дә бетермәде, алар я профсоюз, я оешма хисабына сатып алына, шуңа күрә быел, һичшиксез, барысы да бүләкләр алачак», — дип өстәде Нагуманов. Моннан тыш, ул 1 һәм 1Б номерлы автобуслар белән бәйле сорауга җавап бирде. «АПОПАТ» АҖ белән аерым сөйләшәбез, сәбәбен ачыклыйбыз. Әйе, аның транспортлар составы бераз искергән, тик бу, әлбәттә, автобуслар линиягә чыкмас өчен сәбәп түгел. Бу мәсьәләне без хәзер аерым тикшерәбез һәм якын арада хәлне җайга салырга тырышачакбыз», — диде ул.